HABAKUK 2:1 - Alkitab Singog In Mongondow Masa In Tanaa

¹ Akuoi in moibog moponik kon ḷangkeang poḷoḷukadanku, bo mogoḷat mongo onu in poguman i Tuhan kon inakó, bo naonda in tubag-Nea kon amuiku.

HABAKUK 2:1 ပူးပေါင်းရင်းမြစ်များ

SAMUEL 2 18:24

Ki Daud ḻimitú mako kon yuang kon sigad in ngara dotá in bonunea bo ngara dotá in ḷuai in kotá tatua. Moḷoḷukad noponik kon dinding bo sinimindog kon atop in ḷoḻingkop in ngara tatua. Naonda in sia nobobui magí mako, inontongnea oyúon in intau tobatú namangoi sindaḷan noribatuk.

DATU MITA 2 17:9

bo nogaid kon inta diá inogoi i Tuhan Allah monia aidan. Noposindog in mosia in tampat pososumbaan kon dewa kon bayongan in kotá monia, pinomayá kon kotá mointok andeka kon kotá moḷoben.

DATU MITA 2 9:17

Naonda in moḷoḷukad kon ḷangkeang in kotá in Yizreel nokoontong kon i Yehu bo intaunea mita namangoi, nomaḷú in sia, “Topaanan in intau nopoangoi in naa!” Ki Yoram in notubag, “Potabádon in tontara tobatú tumakoi kon kabaḷo bo mayá monaridi mongo yobayat in mosia tua andeka musung.”

AYUB 31:35

Diá degá in intau in moibog mokidongog kon tosingogonku mita? Mongibot in akuoi kon totuubí intua komintan. Igumon mako ki Inta Totok in mokawasa in motubag kon inakó. Aka kuma bo onu inta pinonapud in musung kon inakó pinais komintan dá koontonganku,

AYUB 31:37

Potaaukubí kon i Allah in bayongan inta inaidanku; tayowankubí in Sia takin barani bo ḷumangag.

MAZMUR 5:3

Indoiaipa kaasí in oigumku bo tuḷungaipa in akuoi, o Datuku, o Allahku.

MAZMUR 85:8

Poontongdon kon Iko in tantúbí monotabi, o Tuhan, ogoiaidon in kami in kasaḷamatan nongkon ini-Mu.

MAZMUR 85:9

Akuoi in moibog mokidongog kon tosingogon i Tuhan Allah; Sia in nopodandi in kobiagan motompia kon inaton, umat-Nea, asaḷ bo kita in diá bui mogaid kon dosa.

YESAYA 21:5

Inontongku doman in pinongaanan bobutungan inta ain sinadia; ḷoḻitúan in intau mita inta sinoko oiní ain sinadia. Mosia in nongaan bo nonginum. Bo daḻídon kinodongogan in parenta: “Ei porwira mita! Sadia in kaḻeawmu!”

YESAYA 21:6

Bo ki Tuhan in noguman kon inakó, “Bayádon pokiḷukadai in moḷoḷukad tobatú bo poguman kon inia kon poguman onu in inontongnea.

YESAYA 21:8

Onda intua moḷoḷukad tatua nomaḷú, “Tuang, akuoi ain noḷukad pomuḷoi in singgai bo doḷom.”

YESAYA 62:6

Kon dinding in Yerusalem Akuoi monampat kon moḷoḷukad; singgai doḷom mosia in diábí motaau in tongá kibio-biómai, táe mustibí umuran moponorop kon i Allah kon dandi inta ain pinomia-Nea.

YEREMIA 12:1

“Aka diaanku in pelekaraku kon tayowon-Mu, o Tuhan, yo notantú bidon kon moniatabí kon Ikobí in noitutui. Táe moibogbí doman in akuoi in moḻibó kon inta moadil kon ini-Mu: Nongonu sin intau moraat in mobiagbí mooyúon? Nongonu sin intaubí inta diá motuḻid in mokodapot kon inta koibog monia?

YEREMIA 6:17

Bo ki Tuhan in nopobui-buimaidon in noduí kon moḷoḷukad mita sin mopotoingat kon i monia sinbá mokidongog kon singog in torompet saḷaku tomponuot. Táe umat in noguman, “Kami in doíbí mokidongog.”

YEHEZKIEL 3:17

“Ei intau ilo-ilow, iko in duíon-Ku mobaḻí moḷoḷukad in bangusa in Israel. Poyaputdon kon i monia in tompoingat inta inogoi-Ku tanaa.

YEHEZKIEL 33:7

Ei intau ilo-ilow, iko in dinuí-Ku moḷoḷukad in bangusa Israel. Potaaudon kon i monia in tompoingat tanaa:

MIKHA 7:7

Táe kita in mongamang mako kon i Tuhan; pinodoyon kon koyakinan moḻimbatú kita in mogoḷat mako kon i Allah naton. Sia in mokidongogbí kon sambayang naton bo moposaḷamat kon i naton.

KORINTUS 2 13:3

Dá moiko in mokouḻíbí kon bukti inta totok in kinoibog monimu kon memang totuubí kon ki Kristusbí in mosingog pinongin inakó. Tongá aka Sia bo mopoaidon diábí tongá dumondouḷug, táe popoontong-Neabí in kawasa-Nea kon yua-yuak monimu.

GALATIA 1:16

Pinoontong-Nea kon i nakó in ki Adí-Nea sinbá Habar Mopia soaḷ ki Adí-Nea bayáanku poyaputon kon intau mita inta deeman Yahudi. Bo wakutu intua akuoi in diábí minayá kon i ineka sin noigum kon tonggina.