HABAKUK 1:9 - Alkitab Singog In Mongondow Masa In Tanaa

⁹ Tontaranea in monubu sin mogaid kon diá mopia, bayongan in intau moondok in mokoontong kon koangoian monia. Dinakop monia diádon koiyapan in kobayongnea.

HABAKUK 1:9 ပူးပေါင်းရင်းမြစ်များ

KINOBAḺIAN 41:49

Gandum inta sinipun tua totokdon mobarong sahingga in diádon mokoiyap, sin kobayongnea nádon onda bo bungayon kon pintad.

DATU MITA 2 12:17

Kon dodai intua ki Hazael datu in Siria nonubu bo iḻitúannea in kotá in Gat. Bo moniatdon in sia monubu kon Yerusalem doman.

AYUB 29:18

Kamangku in mokouḻí kon umur moḷanggó, bo matoi pia-pia mako kon baḷoiku tontaní.

MAZMUR 139:18

Aka iyaponku, yo mobayo-bayong bí kon bungaion; aka akuoi mobangon, umuranpabí doman raionkumai in Iko.

YESAYA 27:8

Ki Tuhan in nohukum kon umat-Nea pinongin noḷumbú kon i monia kon butá in intau. Inuntun-Nea in mosia pinongin tompot moraat nongkon dotá in pomukaan.

YEREMIA 15:8

Butámu in mopuḻing in boba-bobay, moiḻiu kon kobayong in bungaion kon pintad. Intau mita in ḻimodon-Ku kon dodai in moguodpa dá ki iná monia in mororiga. Kon dodai in singgai poangoi-Ku kon i monia in moḷoḻimod tobatú dá angoian in ondok in mosia bo moḻia-ḻiaw in gina.

YEREMIA 25:9

‘Akuoi in mogoiníbí kon bayongan in bangusa nongkon utuan, bo mogogundoi-Ku doman, ki Nebukadnezar datu in Babel. Mosia in potabá-Ku moparang monayow kon Yohuda bo intau inta nogutun kon bonunea takin bayongan in bangusa kon diugneamai. Bangusa in Yohuda takin bangusa mita topodiugneamai in yopúon-Ku bo bióon-Ku mako in morimumud modapot in mononoi. Intau mita inta mokoontong kon inia in moitaḻikokogbí bo mokoningkim. Akuoi, ki Tuhan, ain nosingog.

YEREMIA 34:22

Parentaan-Kubí in mosia sinbá mobuidon mangoi kon kotá tanaa, poḷat monubu, mogagow, bo monurub. Kotá mita in Yohuda in baḻíon-Ku naonda bo padang gurun inta diá inutunan in intau. Akuoi, ki Tuhan, ain nosingog.”

YEREMIA 4:11

Wakutunea in moiangoibí intau in Yohuda bo intau in Yerusalem mokouḻí kon habar kon tompot mopatú nongkon padang gurun koyogotdon in mogirup mamagí kon i monia. Tompot tatua in deemanbí tompot biasamai inta tongá mopoḷayug in baḻeká,

YEREMIA 4:7

Ná singa inta iḻumuai nongkon pinogadopannea natua doman nobuatdon in momomutú kon bangusa mita inta namangoi sin momutú kon Yohuda. Kotá mita in Yohuda in mobaḻídon dongka rumbunnea tampat inta diá inutunan in intau.

YEHEZKIEL 17:10

Totuu kon sia in noimuḷadon noropot, táe umuran degá in sia mobiag poḷat in modugang mobayong? Degá diá moḷaḷow in sia aka irupon in tompot in pomukaan? Degá diá moingkag in sia kon tampat inta pinomuḷaan kon inia?”

YEHEZKIEL 19:12

Táe sia irabut in ḻima mita inta irumogi, onda intua pinogonag kon butá. Tompot in pomukaan nogirup, nogingkag kon bungainea inta mopia. Tanganea noputoḷ, noingkag bo sinurub.

DANIEL 11:17

Onda intua datu kon butá in utuan moposadia in bayongan tontaranea sin monubu kon butá in toḷatan. Bo takin makusud mongawasa kon bayongan in dodatuan in musungnea, sia in momiabí kon yopakat takinnea bo mopoyotonibuḷoi in adínea bobay takin i datu in Mesir tatua; táe tomayánea tatua in diábí kodapotan.

HOSEA 1:10

Bangusa in Israel in mobaḻíbí ná kobayong in bungaion kon dagat, nodapot in diá koukuran andeka diá koiyapan. Tanaa in ki Allah in noguman kon i monia, “Moiko in deemanbí Umat-Ku,” táe moiangoibí in wakutunea Sia in moguman kon i monia, “Akuoibí in ki Allah inta nobiag bo moiko in ki adí-Ku mita!”

HOSEA 13:15

Umpakabí Israel motomoman naonda bo bonok inta noḷumbá, táe Akuoi in mopoangoibí in tompot in pomukaan inta mopatú nongkon padang gurun. Tompot tatua in mogingkag kon bayongan in bokaká bo ḻimbuong mita, dá moinggamádon in bayongan inta koboḻi.

HABAKUK 1:17

Dá umpaka yo mosia in umuranbí mopotaan mako in kedangnea bo moḻimod kon bangusa mita, takin diábí in ampung?

HABAKUK 1:6

Bangusa in Babel inta morongang bo mopokaan tatua in baḻíon-Ku bangusa inta mongongawasa. Mosia in mopipid in ḷumuai nongkon butánea bo moḻibu kon sinangkub in dunia sin mopotungkud kon bangusa mita ibanea.

SURAT I PAULUS KON JAMAAT RUM 9:27

Ki Nabi Yesaya nosingog nanaa kon soaḷ intau in Israel, “Umpakabí kobayong in intau Israel ná kobayong in bungaion kon dagat, táe tongábí topiḻik in mosaḷamat;

HAKIM MITA 7:12

Intau in Midian, Amalek bo intau mita ibanea nongkon padang gurun, noibaya-bayádon mako kon ḷopá tatua. Koontongan in nádon onda bo pangkoḷá inta noyosipun. Unta mita monia mobarong totok naonda bo bungaion kon pintad.