GALATIA 4:3 - Alkitab Singog In Mongondow Masa In Tanaa

³ Natua doman in kita, kon dodai in diápa moguyang in pirisaya, yo kita in mobaḻípabí ata in Ibilis mita kon dunia naa.

GALATIA 4:3 ပူးပေါင်းရင်းမြစ်များ

MATIUS 11:28

Angoidon kon i-Nakó, moiko komintan inta mongoḷopí, bo intau inta kopota-potaan in mosibuḷ, sinbá ḷuatan-Kudon intua kon i monimu.

YOHANES 8:31

Onda intua ki Yesus in noguman kon intau mita in Yahudi inta ain nopirisaya kon i-Nia, “Aka moiko bo umuran dumudui kon inta sinundú-Ku, yo moiko in totu-totuudon mobaḻí dumodudui-Ku,

OUMAN IN RASUL MITA 15:10

Yo nongonu sin tanaa mako moiko in moibogbí moḷawang kon i Allah bo mobogoi in atorang inta totok in mororiga aidan in intau mita inta mopirisaya tanion, bokaka mogoguyangpa naton in diábí doman mokoaid kon tua komintan?

SURAT I PAULUS KON JAMAAT RUM 7:14

Kinotaauanbí naton kon hukum in agama Yahudi tua in nongkon Rohobí i Allah; táe akuoi in tongábí intau ilo-ilow. Akuoi ain pinotaḷui mobaḻí ki ata in dosa.

SURAT I PAULUS KON JAMAAT RUM 8:15

Sin Roho, inta inogoi i Allah kon i monimu, diábí mopobaḻí kon i monimu ata, sahingga moiko in mobiagdon kon bonu in porasaan moondok. Táe Roho i Allah in mopobaḻíbí kon i monimu ki adí mita i Allah. Bo takin kawasa in Roho tatua kita komintan in monangoi kon i Allah, “Amá, o Amáku!”

KORINTUS 2 11:20

Tongá pomayá mako monimu aka oyúon in intau mononggata kon i monimu, andeka momakisa moigum bo mogamá kon kauntungan kon i monimu, ande inta monganggap kon mosia in moḷantu-ḷantud nongkon i monimu sahingga in mobarani monokap kon i monimu.

GALATIA 2:4

umpakabí oyúon intau in totok momakisa kon inia. Mosia tua in intau mita inta umuran kumapog kon i naton bo mongaku kon mosia in ki utat naton. Mosia tua in umuni-uni mako monarukira kon onukabí in aidan naton saḷaku intau inta ain notobatú takin i Kristus Yesus. Ibogon monia in kita mobui kon kaadaan naton koḻipod saḷaku ki ata monia,

GALATIA 3:19

Dá aka natua yo onu in mangaḻe pinobogoian kon hukum i Musa? Nanaabí, hukum tatua pinodugang sinbá kotaauan oaid inta noitaḷá, nodapot kon buí inta pinodandi moiangoidon. Hukum i Musa tatua pinogumanbí in malaekat mita kon intau mita.

GALATIA 4:24

Ouman tanaa in mobaḻí oḻinow naton. Bobay doyowa tatua in ná bí onda bo dodandian i Allah doyowa: tobatú in nongkon Buḷud in Sinai tua inta adí kon i Hagar; ki adínea inta pinononggadí saḷaku ata.

GALATIA 4:25

Dá ki Hagarbí tua in sinangoian Buḷud in Sinai kon butá in Arab. Sia in naonda bo Yerusalem tanaa mako, inta nobiagdon ata.

GALATIA 4:31

Dá pogumanku utat mita, kita naa in deemanbí ki adí in bobay ata tatua, táe ki adíbí in bobay inta nobebas.

GALATIA 4:8

Tungkuḷ intua moiko in diápa nonotaau kon i Allah, tuamai moiko in nobaḻí ata in kawasa mita inta inanggap monimu ki allah, táe sabanarnea in deemanbí ki Allah.

GALATIA 4:9

Tongá masa in tanaa, moiko aindon nopirisaya kon i Allah, ande singogon mako mopoḷok, ki Allah ain nonotaau kon i monimu. Táe nongonu sin moiko in buipabí mosumba kon dimukud mita inta moraat tatua?

KOLOSE 2:20

Moiko ain minatoi noyotakin i Kristus, bo ain pinobebas nongkon roho mita inta nongawasa kon dunia naa. Dá nongonu sin moiko in nobiagbí ná intau inta kinawasaanpa in dunia naa? Nongonu sin moiko in dumuduipabí kon atorang mita ná tanaa:

KOLOSE 2:8

Mustibí mokopoingat in moiko, dikabí modapot in oyúon in mokodondouḷug kon i monimu takin raian mita inta tongá pinodoyon kon pandoi in intau inta diá in baragunanea, táe tongá mokopoyaying kon pirisaya. Raian mita tatua in deemanbí nongkon i Kristus, táe tongábí nongkon raian in intau bo nongkon roho mita inta nongawasa kon dunia.

IBRANI 5:12

Sabanarnea aka raionmai yo moiko nion in bá mobaḻí bidon guru, táe nion in mustipabí moiko mobalajar kon intau ibanea kon soaḷ totundú mita i Allah inta totok in moponting. Moiko in diápa motaau mokaan kon kaanon motogat, bá umuranpa poinumon in susu.

IBRANI 7:16

Sia in binaḻí imang deemanbí pinodoyon kon atorang mita inta pinomia in intau, táe pinodoyobí kon kobobiagnea inta inogoian in kawasa inta diá modai-dait.