EZRA 9:5 - Alkitab Singog In Mongondow Masa In Tanaa

⁵ Naonda in kuruban ḷoḷabungnea nomangkoidon pinosumba, sinimindogdon in akuoi nongkon iḻitúanku koina bo takin ḷambung inta noberak, sinumungkud in akuoi bo nopotonggó in ḻimaku kon i Tuhan Allahku.

EZRA 9:5 ပူးပေါင်းရင်းမြစ်များ

DATU MITA IMITÁNEA 8:22

Nopaḷut mako kon tua, kon tayowon in rayat inta kon tua, ki Salomo sinimindog sinumayow kon mezbah bo notonggó kon ḻimanea doyowa nosimpaḷ

DATU MITA IMITÁNEA 8:38

igumon mako moibogpa in Iko mokidongog kon sambayang monia. Aka nongkon sigad in umat-Mu Israel oyúon in takin kuyang in gina mosambayang kon ini-Mu poḷat motonggó kon ḻimanea popotundú ná baḷoi pososumbaan tanaa,

DATU MITA IMITÁNEA 8:54

Naonda in ki Salomo nopaḷut mako nopoyaput in sambayang bo oigum kon tayowon in mezbah i Tuhan takin notonggó kon ḻima, sinimindogdon in sia

NEHEMIA 1:4

Nokodongogmai kon habar tatua, iḻimitú in akuoi bo nongombaḷ. Tongonumai nosinggai norobonoḷ totok in ginaku. Akuoi in umuran mopuasa poḷat mosambayang kon i Allah,

MAZMUR 141:2

Tarimapa in sambayangku saḷaku sosumba kamania, bo ḻimaku inta noiyopa saḷaku kuruban doḷom.

MAZMUR 143:6

Akuoi in nosambayang kon ini-Mu takin ḻima noiyopa; naonda bo butá inta noingkag, jiwaku in mokotanob kon ini-Mu.

MAZMUR 95:6

Koḻigai in kita dumokó mosumba kon i-Nia, tumungkud kon tayowon i Tuhan, inta nomaḻí kon inaton.

IḶUAIAN 9:29

Guman i Musa kon i datu, “Naonda in ḷuaiku kon kotá tanaa, akuoi in buidon motonggó kon ḻima sin mosambayang kon i Tuhan. Gotup in mogogaidon bo uyan eis in mooḷá domandon, sinbá kotaauandon i Tuangku kon dunia naa in ki Tuhanbí in kitogi.

IḶUAIAN 9:33

Bo ki Musa in nonaḷámaidon kon i datu bo minayá in ḷuai in kotá; kon tua sia notonggó kon ḻimanea sin mosambayang kon i Tuhan. Kon dodaipa doman tatua nogogaidon in gotup, uyan eis bo diádon nonguyan.

YESAYA 1:15

Aka moiko motonggó kon ḻimamu sin mosambayang, doíbí in Akuoi moindoimai. Diábí pandungon-Ku mongo kotongonu in moiko mosambayang, doíbí in Akuoi mokidongog, sin ḻimamu tatua in pinoḻimodmu kon nobayong in intau.

DANIEL 10:2

Kon dodai intua akuoi in koyogot in nopuasa toḷu nodiminggu notompod.

LUKAS 22:41

Onda intua Sia iyumayú topiḻik kon murí-Nea mita tatua, degá topogaraban batu in koyayúnea, bodongka sinumungkud bo nosambayang.

OUMAN IN RASUL MITA 21:5

Táe naonda in nodaitdon in wakutu nami kon tua, minayádon in kami nongkon tua bo nongingguputdon kon bobayáan nami. Intau mita inta mopirisaya takin buḷoi bo adí monia nogatod kon inami nodapot kon ḷuai in kotá. Noidapotmai kon bingkí in pintad, kami in sinumungkud bo nosambayang.

EPESUS 3:14

Manangka intua akuoi in sinumungkud kon tayowon i Amá.