EZRA 9:13 - Alkitab Singog In Mongondow Masa In Tanaa

¹³ Kami in binaradosadon bo iḻimimpatdon kon hukum-Mu, bo Iko in nohukumdon kon inami. Táe kinotaauanbí nami, o Allah nami, kon hukuman inta inogoi-Mu tua in diábí ná kobogat in inta musti tarimaan nami, nodapotbí in kami in pinosaḷamat-Mupabí.

EZRA 9:13 ပူးပေါင်းရင်းမြစ်များ

NEHEMIA 13:18

Popisí in dosabí naa dá ihukumdon i Allah in mogoguyang naton bo norimumud kon kotá tanaa. Degá moibog in tanaa moiko in modugang kon torú i Allah kon Israel pinongin moporaatmai kon singgai in Sabat?”

NEHEMIA 9:32

Oo Allah, Allah nami inta moropot! Ki Allah inta moḷoben bo motoyang! Takin satia kinadaian-Mu in bayongan dodandian; dandi-Mu mita inintompodan-Mu bo inaidan-Mu. Pinangkoipa kon datu mita in Asyur nondorot kon inami noidapot in tanaa, nobayong in roriga in kinobayáan nami. Datu mita nami, imang, nabi bo guhanga mita in ḻipú, mogoguyang nami bo rayat, nokorasadon kon roriga mita. Dika koḻiongan in bayongan roriga tatua! Dika inggamáan-Mu kon gina-Mu!

AYUB 11:6

Bo igumon mako popotaauan-Nea in iko, kon hikmat tua in nobayongbí in batangannea, bo diábí komangaḻean in intau. Dá pokosadardon kon rorigamu in diábí tongo onu, poyobandingonmai in hukuman inta patus tarimaanmu.

MAZMUR 103:10

Sia in diábí mohukum kon inaton podudui in dosa naton, andeka motuḻí kon inaton podudui in taḷá naton.

OMBAḶ 3:22

Tabi i Tuhan in umur mononoi, totabi-Nea in diábí modai-dait,

HABAKUK 3:2

O Tuhan, dinongogkudon onu inta inaidan-Mu, dá moodom in korasaanku kon gina. Igumon mako aid moḷoben tatua in bui aidan-Mu bo poniata-Mu kon kinobiagan nami naa. Igumon mako kotabi-Mu in kami umpakabí mopatú in gina-Mu.

GALATIA 3:4

Degá iraimai monimu yo diábí in mangaḻe in bayongan inta ain kinorasaan monimu tua? Diábí kumaan kon akaḷ aka diá in baragunanea!