EZRA 9:1 - Alkitab Singog In Mongondow Masa In Tanaa

¹ Naonda intua komintan nodaitdon inaidan, tongonumai in intau inta sinon itoi kon bangusa in Israel namangoi kon inakó. Mosia in nopotaau kon inakó kon rayat in Israel, noitakin doman in imang mita, bo intau mita in Lewi in diábí sinumondí kon bangusa mita inta nogutun kon diugmai tua, inta bangusa in Amon, Moab, Mesir, Kanaan, Het, Peris, Yebus bo Amori. Nodapotbí in imang mita bo intau mita in Lewi sinumakin doman nomia kon natua. Mosia komintan in nogaidon kon aid mita inta mokorongó inta inaidan in bangusa mita tatua.

EZRA 9:1 ပူးပေါင်းရင်းမြစ်များ

KINOBAḺIAN 15:16

Naonda in opat nopobuían, ki adí bo ki ompumu in mobuidon mangoi kon naa, sin Akuoi in diábí moguntun kon intau in Amori aka mosia diápa totok in moraat dapot in paraḷu hukumon.”

DATU MITA IMITÁNEA 11:1

Ki Datu Salomo in nongibog kon mobayong in bobay nongkon butá ibanea. Koḻikud in adí bobay i datu in Mesir, ki Salomo in notonibuḷoi doman takin bobay mita in Het, Moab, Amon, Edom bo Sidon.

TAWARIKH 2 33:2

Sia in binaradosa kon i Tuhan, popisí in dinumudui kon kabiasaan mita inta moraat in bangusa mita inta pinoguntun i Tuhan nongkon Kanaan kon tungkuḷ in intau in Israel sinumuot in butá tatua.

TAWARIKH 2 8:7

Bayongan in buí in bangusa in Kanaan inta diá motaau ḻimodon komintan in intau in Israel kon dodai in iḻimitú kon butá tatua, pinoki aidan i Salomo nobaḻí ata. Mosia tua in intau in Het, Amori, Peris, Hewi bo Yebus. Umaai in tanaa mosia tua in umuranpa doman ata.

EZRA 10:2

Onda intua ki Sekhanya ki adí i Yehiel nongkon inanakan i Elam, noguman kon i Ezra, “Kami in binaradosadon kon i Tuhan popisí in nononibuḷoidon kon bangusa ibanea. Umpaka natua táe oyúonpabí in kamang kon Israel.

EZRA 10:8

Ki ine in diá mamangoi kon bonu in toḷu nosinggai, daiton gamáan in bayongan kapunyaannea bo sia in diá bidon inanggap agat in intau in Israel. Parenta tatua in sinekeng in itoi mita in rayat.

NEHEMIA 13:23

Kon tungkuḷ intua inontongku doman kon nobayong intau in Yahudi in notonibuḷoidon in bobay mita nongkon bangusa in Asdod, Amon bo Moab.

NEHEMIA 4:3

Bo ki Tobia inta sinimindog kon diugneamai in noguman doman, “Indoiai in dinding inta pinosindog monia! Tongákabí ungkú in kayuon yo mokoumpagbí kon tua!”

NEHEMIA 4:7

Naonda in ki Sanbalat, ki Tobia bo intau mita nongkon Amon bo Asdod bo intau mita in Arab nokodongog kon pinonompiaan kon dinding in Yerusalem tatua in totuu motoyong bo bubú mita kon dinding in nomangkoidon pinaḷonan, sinumorúdon totok in mosia.

MAZMUR 106:35

Nodapotbí in mosia inumauk kon bangusa mita tatua, bo dinumayan kon gogutú in intau mita inta diá nonotaau kon i Allah.

IḶUAIAN 13:5

Takin nongibot ki Tuhan nodandi kon mogoguyangmu kon Sia in moposarakan in butá in bangusa Kanaan, Het, Amori, Hewi bo Yebus. Naonda in ki Tuhan modia kon i monimu mayá in butá inta mopia totok bo noḷumbá tua, pomuḷoi in taong kon bonu in buḷan Abib, moiko in musti mogaid kon upacara tanaa.

IḶUAIAN 23:23

Malaekat-Ku in umuna kon i monimu mayá in butá in bangusa Amori, Het, Peris, Kanaan, Hewi bo Yebus, bo mosia in yompaton-Ku.

IḶUAIAN 33:16

Naondabí in kotaauan intau kon kinoibog-Mu in akuoi bo bangusa tanaa aka Iko diá motuḷung kon inami? Aka ki Tuhan kotaki-takin nami yo tua in mopoyoposi kon inami takin bangusa mita ibanea kon dunia naa.”

YESAYA 52:11

Bayádon! Taḷaaidon in kotá in Babel, ei moiko inta nodia kon pakakat mita in Baḷoi i Allah! Dikadon moḻiai kon pakakat inta nonajis: potusidon in awakmu kon dodai in diápa mobuat.

YEREMIA 26:10

Naonda in pojabat mita in pomarenta in Yohuda nokodongog kon onu inta ain nobaḻí, mosia in iḻimikatdon in iḻumuai nongkon komaḻig in datu bo minayá in Baḷoi Tuhan, bo iḻimitú kon Bonawang Mobagu.

YEREMIA 26:16

Dá pojabat mita in pomarenta bo rayat in noguman kon imang mita bo nabi mita tatua, “Intau tanaa in nosingog pinodoyon kon tangoi Tuhan Allah naton; diábí patus hukumon matoi in sia.”

IMAMAT 18:3

Dikabí dumayan kon dodia intau kon Mesir, tampat inta perna pinogutunan monimu, ande dodia in intau Kanaan, inta pinodiaan-Ku kon i monimu masai naa.

MALEAKHI 2:11

Umat in Yohuda ain iḻimimpat kon dodandian i Allah takin i monia bo nogaidon kon inta mokokoningkim kon Yerusalem bo sinangkub in butá. Mosia in nongotordon kon Baḷoi i Tuhan inta kinotabinea bo notonibuḷoi in bobay mita inta nosumba kon dewa mita in bangusa ibanea.

PINOGIAPAN 23:9

Nongkon tudu mita in buḷud ontongonku in mosia; nongkon tudu mita in buḷud bobuionku in mosia. Indoiai, bangusa tobatú inta noitontaní diá kinobauian in bangusa ibanea.

PINOGIAPAN 25:6

Kon dodai in ki Musa bo bayongan in umat mogamuimai kon tayowon in Ḷoḷaigan i Tuhan, mosia in nokoontong kon intau in Israel tobatú nodia kon bobay in Midian tobatú sinumuot kon bonu in ḷoḷaigannea.

ULANGAN 18:9

“Aka moiko tumuotdon kon butá inta inogoi i Tuhan Allahmu kon inimu, dikabí dumayan kon kororaat inta inaidan in bangusa mita kon tua.

ULANGAN 23:8

Pinangkoi kon buí nogintoḷu bo moidudui kon tua mosia tua in motaaubí mobaḻí umat i Tuhan.”

ULANGAN 7:1

“Ki Tuhan Allahmu in modiabí kon i monimu mayá in butá inta bain pogutunan monimu, bo mobayongbí in bangusa inta poguntunon-Nea nongkon tua. Koonto-ontongmubí in Sia moguntun kon pitu in bangusa inta moḷobe-ḷoben bo moropo-ropot nongkon i monimu, tuata in intau mita in Het, Girgasi, Amori, Kanaan, Peris, Hewi bo Yebus.

YOSUA 23:12

Aka moiko bo diá mosatia bo moyobaukdon in bangusa mita inta nogutunpa kon sigad monimu, bo moiko in motonibuḷoi monia,