EZRA 8:34 - Alkitab Singog In Mongondow Masa In Tanaa

³⁴ Bayongan in pakakat mita tatua iniap bo sinimbang, bodongka pinais kinotaḻit.

EZRA 8:34 ပူးပေါင်းရင်းမြစ်များ

EZRA 8:29

Ḷukadai in pakakat mita tatua kopiaan modapot in moiyaput kon Baḷoi Tuhan. Moiyaputmai kon tua, moiko in mustibí monimbang kon pakakat mita tatua bo ogoi kon imang mita itoi bo itoi mita in Lewi, takin itoi mita in intau in Israel kon Yerusalem.”

EZRA 8:33

Onda intua kon singgai inggopatnea minayádon in kami kon Baḷoi Tuhan, bo nonimbang kon saḷaka, buḷawan bo pakakat mita tatua. Nopaḷut mako kon tua inogoi nami kon i Imang Meremot ki adí i Uria takin inindoian mako i Eleazar ki adí i Pinehas bo intau in Lewi doyowa, tuata in ki Yozabad ki adí i Yesua bo ki Noaja ki adí i Binui.

EZRA 8:35

Kon singgai tatua doman, bayongan intau inta ain nobui nongkon pinoḷumbúan tatua, noposumba in kuruban payongon kon i Allah in Israel. Mosia in noposumba in 12 in sapi koḷakian kon kopontingan in bayongan in Israel, 96 in domba koḷakian bo 77 in ki adí in domba; koḻikud intua 12 in bembé sin pokuruban kon pongampungan kon dosa kon i monia tontaní. Bayongan in biag tatua sinubá nobaḻí kuruban kon i Tuhan.