EZRA 8:25 - Alkitab Singog In Mongondow Masa In Tanaa

²⁵ Onda intua sinimbangku kon i monia in saḷaka, buḷawan bo pakakat mita inta ain pinosumba i datu, in monononggina mita bo intau mita moḷoben bo in bayongan in intau in Israel, sin pakéon kon bonu in Baḷoi Tuhan. Bayongan intua inogoiku kon imang mita tatua.

EZRA 8:25 ပူးပေါင်းရင်းမြစ်များ

EZRA 1:8

Ki Kores in nokitoinut in pakakat mita tatua kon i Mitredat, tongguḷu in intau inta kitogi totaau in pakakat mita in dodatuan. Noiduduimai kon tua ki Mitredat nomais kon pakakat mita tatua bo pinoki ogoi kon i Sesbazar, gubernur in Yohuda.

EZRA 2:69

Mosia in nobogoi in sumbangan podudui in komampuan tontaní bo nouḻímagi komintan in 500 nokilo in buḷawan, 2.800 nokilo in saḷaka, bo mogatut in jubah kon imang mita.

EZRA 8:33

Onda intua kon singgai inggopatnea minayádon in kami kon Baḷoi Tuhan, bo nonimbang kon saḷaka, buḷawan bo pakakat mita tatua. Nopaḷut mako kon tua inogoi nami kon i Imang Meremot ki adí i Uria takin inindoian mako i Eleazar ki adí i Pinehas bo intau in Lewi doyowa, tuata in ki Yozabad ki adí i Yesua bo ki Noaja ki adí i Binui.

PILIPI 4:8

Naa in simpod in singogku utat mita, porai kon onu inta oyúon in baragunanea, bo onu inta motaau dayowon, ná soaḷ mita inta moitutui, inta horomatonmai, inta moadil, modarit, inta moromimit bo inta mopia.