EZRA 8:22 - Alkitab Singog In Mongondow Masa In Tanaa

²² Akuoi in mobangkaḷ moigum kon i datu in tontara tumotakoi kon kabaḷo sin moḷukad kon inami nongkon musung kon binayáan. Sin akuoi in nogumandon kon inia, kon ki Allah nami in momarakat kon bayongan in intau inta mogundoi kon i-Nia bo mondoí poḷat mohukum kon intau inta diá mosatia kon i-Nia.

EZRA 8:22 ပူးပေါင်းရင်းမြစ်များ

TAWARIKH 1 28:9

Bo ki Daud in noguman kon i Salomo nanaa, “Adíku, igumonku sinbá ki Allah inta sinumba i amámu, in akuonmu nobaḻí ki Allahmu. Iko in mustibí mogundoi kon i-Nia takin ḻimbatúon in gina bo gina mobayag. Sin kinotaauan-Neabí in bayongan raian bo ibog naton. Aka iko motayak kon i-Nia, yo mouḻímubí in Sia, táe aka iko monaḷámai kon i-Nia, yo indoíon-Nea bidon in iko modapot in mononoi.

TAWARIKH 2 15:2

dá minayá in sia nokipodungkuḷ kon i Datu Asa, bo noguman, “Uḻe Datu Asa, bo bayongan in intau inta nogutun kon Yohuda bo kon Benyamin! Indongogai! Ki Tuhan modagin kon i monimu aka moiko modagin kon i-Nia. Aka moiko mopoigum in topotundú i Tuhan, yo ogoian-Neabí doman. Táe aka moiko doí mopandungmai kon i-Nia, yo diábí doman in Sia mopandungmai kon i monimu.

TAWARIKH 2 16:9

Ki Tuhan in noindoi kon sinangkub in dunia sin mobogoi in ropot-Nea kon intau mita inta mosatia kon i-Nia. Noitaḷádon in inaidanmu, tuamai nongkon tanaa iko in umurandon moyogintayow in parang.”

EZRA 7:28

Pinodoyon kon totuḷung i Allah akuoi in kinosanang i datu, in monononggina bo pojabatnea mita inta nongawasa tatua; ki Tuhan Allahku ain nobogoi in ibog moḷoben kon inakó dá akuoi in nokotongganutdon kon nobayong totok in tongguḷu in inanakan Israel sin mobui kon Yerusalem.”

EZRA 7:6

Ki Ezra in intau tobatú inta nosikoḷa bo nobayong in kinotaauannea in soaḷ Hukum inta inogoi i Tuhan, Allah in Israel kon i Musa. Popisí in ki Ezra binarakatan i Tuhan Allahnea, dá ki datu in nobogoi kon inia in bayongan inta pinoigumnea. Kon taong impitunea kon pinomarentaan i Datu Artahsasta, nobuatdon in ki Ezra nongkon Babel bo minayá in Yerusalem noyotakin in topaanan in intau Israel inta imang mita, intau in Lewi, mododondong bo moḷoḷukad kon ngara kon Baḷoi Tuhan, bo mogogaid mita.

EZRA 8:31

Kon singgai impuḷú bo doyowánea buḷan imitánea, kami in nonaḷámai kon Ongkag in Ahawa bo minayá in Yerusalem. Kon binayáan tatua kami in iḷukadan i Allah nami nongkon musung mita inta monubu bo moḷamboi.

NEHEMIA 2:9

Noyotakin in tongonumai in porwira bo tontara inta sinumakoi kon kabaḷo, inta pinotabá i datu sin moyotakinku, nobuatdon in akuoi minayá in Eprat Toyopan. Kon tua surat i datu inogoiku kon gubernur mita.

MAZMUR 20:8

Oyúon in intau inta mopongata in kereta in parangnea, oyúon doman in mopongata in kabaḷonea. Táe kita in mopongata in kawasa in Tuhan, ki Allah naton.

MAZMUR 34:22

Inta moraat in matoibí popisí in aidnea moraat, intau inta mondoí kon intau motoḷutui in hukumonbí.

MAZMUR 90:11

Ki ine in nonotaau kon kototoyang in torú-Mu, andeka nomangaḻe kon bungai in torú-Mu?

OMBAḶ 3:25

Ki Tuhan tua in mopiabí kon intau inta umandoḷ mako kon i-Nia, bo kon intau inta motayak kon i-Nia.

SURAT I PAULUS KON JAMAAT RUM 8:28

Kinotaauanbí naton kon ki Allahbí in nonoinut kon bayongan yagi-yagi, sahingga in mokopoangoi kon onu inta mopia kon intau mita inta motabi kon i-Nia bo inta inoiní-Nea podudui in tomayá-Nea.

KORINTUS 1 9:15

Táe akuoi in doíbí. Bo akuoi in nomais kon surat tanaa deemanbí makusud sinbá pomiaan monimu natua in akuoi. Sin aka kon i nakó, yo maníkabí matoi in akuoi dika in kobuḻian in onu inta totok in kino sanang in ginaku.

KORINTUS 2 7:14

Totu-totuubí kon moiko in dinui-duíku bidon kon tayowon i Titus. Bo sukurdon sin moiko in diá tongá mokopooyámai kon i nakó. Bayongan inta ain inouman nami kon i monimu tua in totuubí. Natua doman onu inta dinui-duí nami soaḷ moiko kon tayowon i Titus in noitotuubí doman.

IBRANI 10:38

Bo umat-Ku inta mobanar in mopirisayabí bo mobiag; táe aka oyúon in kon sigad monia tua in nobaḷui in pirisaya, dá diábí mosanang in gina-Ku kon inia tua.”

YOSUA 22:16

Bo mosia nosingog nobaḻí toḻiu in bayongan in umat i Tuhan, mosia noguman kon intau mita inta nongkon suku i Ruben, i Gad bo i Manasye tatua, “Nongonu sin moiko in nogaid bidon kon inta moraat nanaa kon i Allah Israel? Takin nogaid kon mezbahmu tontaní, moiko in noḷawangdon kon i Tuhan! Moiko in diá bidon dinumudui kon parenta-Nea mita!

YOSUA 23:16

Aka moiko ḻimimpat kon dodandian inta ain pinarenta i Tuhan Allahmu kon inimu sinbá duduian, bo moiko mayá moibada kon toḻindua mita in Tuhan bo poḷat mosumba kon toḻindua mita in Tuhan tua, dá tumorú in ki Tuhan, bo mohukum kon i monimu. Diábí moonggot bo moiko komintan moyopú nongkon butá inta mopia naa, butá inta inogoi i Tuhan kon inimu.”

PETRUS 1 3:12

Sin umuranbí indoian i Tuhan in intau mita inta dinumudui kon onu inta kinoibog-Nea, bo umuranbí i Tuhan indongogan in sambayang mita monia; táe ki Tuhan in moḷawangbí kon intau mita inta umuran mogaid kon onu inta moraat.”