EZRA 8:19 - Alkitab Singog In Mongondow Masa In Tanaa

¹⁹ Ki Hasabya bo ki Yesaya nongkon inanakan i Merari, takin doyowa nopuḷú in intau in ginaḷum monia, pinotabá doman namangoi kon inami.

EZRA 8:19 ပူးပေါင်းရင်းမြစ်များ

TAWARIKH 1 6:1

Ki Lewi in kogadí kon adí ḷoḷaki toḷu: ki Gerson, ki Kehat bo ki Merari.

TAWARIKH 1 6:16

Ki Lewi in kogadí kon adí ḷoḷaki toḷu, inta ki Gerson, ki Kehat bo ki Merari.

TAWARIKH 1 6:19

Ki Mahli bo ki Musi in ki adí mita i Merari.

EZRA 8:18

Popisí in kopopia in gina i Allah, mosia in nopotabá mangoi kon inami in ki Serebya, intau in Lewi tobatú inta mopandoi nongkon inanakan i Mahli. Noyotakinnea in ki adí mita doman i utatnea mita, kobayongnea in 18 intau.

EZRA 8:20

Koḻikud intua oyúon doman in 220 in intau inta mogogundoi kon Baḷoi Tuhan inta kinopaisandon in tangoi monia. Mogoguyang monia pinangkoi nongkon koḻipod in sinantúdon i Datu Daud bo intau mita moḷoben kon dodatuan sin mobantung kon intau in Lewi.

EZRA 8:24

Kon sigad in imang mita inta noiḷontú piniḻíku in 12 in intau: ki Serebya, ki Hasabya, bo 10 in intau ibanea.

NEHEMIA 3:17

Moiduduimai doman naa in dinding ibanea inta pinosindog in intau in Lewi: Ki Rehum ki adí i Bani Ki Hasabya, inta nongawasa kon tongo botak in Kehila. Dinding inta kon bonu in pomarentaannea tontaní. Ki Binui ki adí i Henadad, inta nongawasa in tongo botak in Kehila Ki Ezer ki adí Yesua, inta nongawasa kon Mizpa: dinding kon sikumai in daḷan kon tayowon in baḷoi in sonjata. Ki Barukh ki adí i Zabai: dinding nongkon siku in daḷan noidapot kon ngara in Baḷoi i Imang Moḷoben ki Elyasib. Ki Meremot ki adí i Uria ki ompu i Hakos: dotá in dinding nongkon ngara in baḷoi i Elyasib noidapot kon popod in baḷoi tatua.