EZRA 8:16 - Alkitab Singog In Mongondow Masa In Tanaa

¹⁶ Bo inoiníku in intau taya siow kon sigad in itoi mita, inta ki Eleazer, ki Ariel, ki Semaya, ki Elnatan, ki Yarib, ki Elnatan, ki Natan, ki Zakharia, ki Mesulam bo doyowa doman in guru, inta ki Yoyarib bo ki Elnatan.

EZRA 8:16 ပူးပေါင်းရင်းမြစ်များ

DATU MITA IMITÁNEA 3:11

bo noguman kon inia, “Popisí in iko noigum kon kabijaksanaan inta pakéon momarenta takin moadil, bo deemanbí umur moḷanggó andeka kaoyúonan kon inimu tontaní andeka kopatoian in musungmu mita,

TAWARIKH 1 26:14

Ki Selemya in nokouḻí kon bonawang kon dotá in pomukaan. Ki Zakharia ki adínea inta umuran mobogoi in tonggina inta mopia, nokouḻí kon bonawang kon dotá in utuan.

TAWARIKH 2 2:12

Dinayo-dayowdon in ki Tuhan Allah in Israel, Inta Nomia kon ḷangit bo butá! Sia in nobogoidon kon i Daud in adí ḷoḷaki inta totuu mobijaksana bo mopandoi, bo kototaau moḷoben, inta tanaa in koyogot in moḷongasi moposindog in baḷoi tobatú kon i Tuhan bo komaḻig tobatú kon inia tontaní.

EZRA 10:21

Inanakan i Harim: ki Maaseya, ki Elia, ki Semaya, ki Yehiel bo ki Uzia.

EZRA 8:15

Bayongan kolompó tatua in sinipun kon ongkag inta moiḻig ná kotá in Ahawa bo kami in nononḷoḷaigan kon tua toḷu nosinggai. Naonda in pinirikisaku, noniata magí yo oyúonbí in tongonumai in imang kon sigad monia, táe diá tobatúmai in nongkon suku in Lewi.

EZRA 8:17

Onda intua pinotabáku in mosia minayá kon i Ido, tongguḷu in intau mita kon Kasipya, takin oigum sinbá ki Ido bo topotakinnea inta mogogaid kon Baḷoi Tuhan, in mopotabádon mangoi kon inami in intau mita inta mogundoi kon Baḷoi Tuhan.

EZRA 8:18

Popisí in kopopia in gina i Allah, mosia in nopotabá mangoi kon inami in ki Serebya, intau in Lewi tobatú inta mopandoi nongkon inanakan i Mahli. Noyotakinnea in ki adí mita doman i utatnea mita, kobayongnea in 18 intau.

AMSAL 2:6

Ki Tuhanbí in mobogoi in hikmat; nongkon i-Niabí intau mokouḻí kon pongotahuan bo komomangaḻe.

AMSAL 20:5

Bonu in gina in intau naonda bo tubig kon bonu in parigí inta modaḷom; táe kotayukanbí in intau inta mopandoi.

AMSAL 28:2

Aka bangusa baradosaan, pongawasanea in umuran baḷuian; aka itoi bo mobijaksana, yo bangusa in umuranbí koḷukadan bo tantúbi ponango-nangoian.

DANIEL 2:21

Siabí inta nonantú kon sempo bo wakutu, Sia in nopoḷabú bo noduí kon pongawasa. Siabí doman inta nobogoi in kabijaksanaan, bo noponotabi in pomomangaḻe.

TIMOTIUS 2 2:7

Raibí kopira onu in pinogumanku tanaa, sin ogoianbí i Tuhan in raian mopandoi in iko sahingga in komangaḻeanmudon in bayongan yagi-yagi.

YOHANES 1 5:20

Kinotaauan bidon naton kon ki Adí i Allah ain namangoi bo ain nobogoi in pongortian kon i naton, sinbá kotaauan naton in ki Allah inta mobanar. Kita in nobiag notobatú takin i Allah inta mobanar bo umuran nobiag notobatú takin i Adí-Nea ki Yesus Kristus. Naadon in ki Allah inta mobanar, bo naadon in kobiagan inta mopia bo mononoi.