EZRA 7:27 - Alkitab Singog In Mongondow Masa In Tanaa

²⁷ Bo ki Ezra in noguman, “Dayowdon in ki Tuhan, Allah inta sinumba in mogoguyang naton! Sia in nopogonúdon kon gina i datu dá ki datu in noibogdon noindoi totok kon Baḷoi Tuhan kon Yerusalem.

EZRA 7:27 ပူးပေါင်းရင်းမြစ်များ

TAWARIKH 2 31:8

Nokoontongmai kon oogoi inta námai tua in kobayong, ki Datu Hizkia bo pogawainea mita nodayow kon i Tuhan bo nomuji kon rayat in Israel, umat-Nea.

EZRA 6:22

Pitu nosinggai in koonggotnea in mosia takin sanang in gina norame kon Singgai moḷoben in Roti diá Iragian. Mosanang totok in gina monia sin ki Tuhan ain nopobaḻí kon i datu in Asyur mopia in gina kon i monia dá notuḷungdon kon i monia kon oaidan noposindog bui in Baḷoi Tuhan, Allah in Israel.

NEHEMIA 2:12

Kon dodai intua diábí pinotaauku kon i ineka kon ki Allah in nobogoi in raian natua kon inakó sin moposindog bui in kotá in Yerusalem. Nopoikoḷomai doḷom nobangon in akuoi bo nonongganut kon tongonumai in yobayat minayá in ḷuai in kotá. Koḻikud in keledai inta sinakoianku, diábí in kami nodia kon biag totakoian ibanea.

NEHEMIA 2:8

Koḻikud intua, noigum doman in akuoi kon surat ogoi kon i Asap, intau inta moḷoḷukad kon kayuon in dodatuan, sinbá sadiaannea in kayu inta pakéon pogaid kon ḷoḻingkop in bonawang dinding kon diug in Baḷoi Tuhan, bo pakéon kon dinding in kotá bo baḷoi inta pogutunanku. Onu in pinoigumku nodait dinuduian i datu, sin ki Allah in notuḷung kon inakó.

NEHEMIA 7:5

Tuamai in pinopogonú i Allah kon inakó sinbá mosipun kon rayat bo itoi mita takin guhanga mita in ḻipú, sinbá motaau iyaponku in mosia podudui in tangoi kon inanakan monia. Kon kasampatan tatua aindon nouḻíku in pinomaisan kon tangoi mita in intau inta muna-munamai nobui nongkon pinoḷumbúan. Noiduduimai naa in katarangan inta nouḻíku nongkon pinomaisan tatua:

IḶUAIAN 8:9

Ki Musa in notubag, “Takin sanang in gina akuoi in mosambayang sin podudui in oigum i Tuangku. Tantúdon in wakutunea, bá sambayangankudon in ki Tuang, pogawai mita moḷantud i Tuangku bo rayat. Dá tumpaḷak mita tatua in inggamáandon nongkon tayowonmu, nongkon baḷoimu, bo diádon in kiagatnea, koḻikudon inta kon Ongkag in Nil.”

AMSAL 21:1

Naonda bo pononompia i Tuhan kon tubig in ongkag sinbá moiḻig podudui in ibog-Nea, natua doman in pokokapit-Nea kon raian in datu.

YESAYA 60:13

Onu inta nobaḻí mokosanang kon kayuon in Libanon in akutonbí poangoi kon inimu kayu in berangan, ḷokuyú bo eru sin momia kon Baḷoi-Ku momulia, bo mopogaga in sosindogan-Ku.

LUKAS 7:5

sin sia tua in motabibí kon bayongan intau naton bo sia doman tua inta nokiposindog in baḷoi pososambayangan nami.”

KORINTUS 2 8:16

Sukurdon mako kon i Allah, sin ki Titus in pinoporajing-Neapa naonda bo kami inta umuran noibog notuḷung kon i monimu!

PILIPI 4:10

Kon kobiagan inta notobatúdon i Tuhan, moḷunganga totok in ginaku, sin umpakabí noonggotdon, táe umuranpabí norai kon kaadaanku. Makusudku in deemanbí kon kinoḻiongandon monimu in akuoi; umuranpabí doman kinotoropan monimu, táe diádon in wakutu monimu mopoontong intua.

IBRANI 10:16

“ ‘Naadon in dodandian inta inaidan-Ku takin i monia kon singgai mita moiduduimai,’ ki Tuhan in noguman doman nanaa, ‘Hukum-Ku mita in potonop-Kudon kon bonu in gina monia, bo popopais-Kudon kon bonu in raian monia.’ ”

IBRANI 8:10

Táe tanaa, naadon in dodandian inta pomiaan-Ku takin umat-Ku Israel, Kon singgai mita moiduduimai, Pirman i Tuhan: Popotonop-Ku in hukum-Ku kon bonu in pikiran monia, bo popopais-Ku domandon kon gina monia. Akuoi in mobaḻí ki Allah monia, bo mosia in mobaḻí umat-Ku.

YAKOBUS 1:17

Pomuḷoi in oogoi inta mopia bo tombuinag inta mosompurna, namangoibí intua nongkon soroga, pinopoponag i Allah inta nomia kon bayongan inta nobayag kon ḷangit. Sia tua in ki Allah inta diá kon dodai in onda mobaḷui bo diábí doman mokopopisí in mogaid kon inta mosindip.

WAHYU 17:17

Sin gina monia sinimbayagandon i Allah sinbá mogaid kon inta kinoibog-Nea. Sinobatúdon i Allah in mosia sinbá moyopakatdon moposarakan in kawasa monia kon mahaḷuk tatua, sinbá mahaḷuk tatua in momarenta modapot in mobaḻí onu inta pinoguman i Allah.