EZRA 7:26 - Alkitab Singog In Mongondow Masa In Tanaa

²⁶ Pomuḷoi in intau inta doí dumudui kon Hukum mita i Allah i Utat, andeka hukum mita in dodatuan, mustibí ḷagi hukumon matoi andeka ḷumbúon, andeka gamáan in kapunyaannea, andeka bonuon kon ponjara.”

EZRA 7:26 ပူးပေါင်းရင်းမြစ်များ

TAWARIKH 2 30:12

Kon Yohuda ki Allah in nogaid doman bo noponobatú kon gina in rayat sinbá totu-totuu motoindudui kon ibog i Allah pongin dumudui kon parenta i datu bo in pogawainea mita.

EZRA 10:4

Ikobí in musti mopobayá. Kami in totu-totuubí mobantung kon inimu. Aidaidon intua komintan dapot in moḷapat.”

EZRA 10:8

Ki ine in diá mamangoi kon bonu in toḷu nosinggai, daiton gamáan in bayongan kapunyaannea bo sia in diá bidon inanggap agat in intau in Israel. Parenta tatua in sinekeng in itoi mita in rayat.

EZRA 6:11

Akuoi in momarenta sinbá intau inta ḻimimpat kon parenta tanaa yo nongkon baḷoinea in rabuton in oigi tobatú, tonggoruitan in popodnea, bo popoturak kon awak in intau tatua modapot in moiḷambai. Baḷoinea in musti kokaion bo baḻíon yoyatan.

EZRA 6:12

Igumon mako ki Allah inta ain nomiḻí kon Yerusalem mobaḻí tampat pososumbaan kon i-Nia, moyopú kon batúan datu andeka bangusa inta mokobaḻí ḻimimpat kon parenta tanaa bo monungkuḷ morimumud kon Baḷoi Tuhan kon Yerusalem tatua. Akuoi, ki Darius, ain nobogoi in parenta tanaa. Aidai kopiaan totok.”

MAZMUR 52:5

Iko in moibo-ibogbí kon inta moraat nongkon inta mopia, moibo-ibog monguboḷ nongkon moguman kon inta mobanar.

DANIEL 6:26

Nopaḷut mako kon tua ki Datu Darius nokidia in surat kon intau mita nongkon bayongan in bangusa, inanakan bo bahasa kon sinangkub in dunia, “Salam kobiagan motompia!

ULANGAN 27:26

‘Kinutuk in intau inta diá nogintompod kon hukum bo totundú i Allah kon bonu in dodianea.’ ‘Amin!’ ”