EZRA 7:25 - Alkitab Singog In Mongondow Masa In Tanaa

²⁵ Ki Utat ki Ezra, pakédon in pandoi inta ain inogoi i Allah kon i Utat, bo duídon in itoi mita bo hakim mita sin momarenta kon bayongan in intau kon propinsi Eprat Toyopan inta nobiag podudui in Hukum i Allah i Utat. Ki Utat in mustibí motundú kon Hukum tatua kon bayongan in intau inta diápa nonotaau kon tua.

EZRA 7:25 ပူးပေါင်းရင်းမြစ်များ

KINOBAḺIAN 41:38

Bo ki datu in noguman kon i monia, “Diá bidon kita mokouḻí kon intau ibanea inta ná ki Yusup naa, sin sia kinawasa in Roho i Allah.”

KINOBAḺIAN 41:39

Dá ki datu noguman kon i Yusup, “Ki Allah ain nopotaau in naa komintan kon inimu, dá nosimantagdon kon ikobí in mopando-pandoi bo mobija-bijaksana nongkon i inekadon.

DATU MITA IMITÁNEA 3:28

Kon dodai in bangusa in Israel nokodongog kon soaḷ bontow in tosingogon i Salomo kon bonu in pelekara tatua, nobangkaḷdon in mosia kon inia. Sin noniatadon kon ki Allah ain nobogoi kon inia in kabijaksanaan sin mopoaid in inta moadil.

DATU MITA 2 17:27

Manangka intua ki datu Asyur in nomarenta sinbá imang tobatú nongkon sigad in intau mita inta sinokodakop inta ain iḻumbú kon Asyur, pokidiadon bui mayá in Samaria. “Pokipobuiaidon in sia bo mogutun kon tua sinbá motaaudon in sia motundú kon intau mita kon tua in hukum mita in dewa kon butá tatua,” guman i datu.

TAWARIKH 1 22:12

Bo igumon mako ki Tuhan Allahmu in mobogoi kon inimu in kabijaksanaan bo pandoi sin momarenta kon Israel podudui in hukum-Nea mita.

TAWARIKH 1 23:4

Bo 24.000 in intau kon sigad monia tua in pinoki aidan in oaidan kon Baḷoi Tuhan, 6.000 in moindoi kon administrasi bo pelekara mita in pongadilan,

EZRA 10:4

Ikobí in musti mopobayá. Kami in totu-totuubí mobantung kon inimu. Aidaidon intua komintan dapot in moḷapat.”

EZRA 6:6

Onda intua ki Darius nokidia in tubag nanaa, “Kon i Tatnai, gubernur in propinsi in Eprat Toyopan, bo kon i Syetar-Boznai, bo pojabat mita kon Eprat Toyopan. Dika monuyayow kon intau mita in Yahudi tatua,

EZRA 7:10

Ki Ezra in totokdon in nonaridi kon Hukum i Tuhan, sin aidan bo motundú kon bayongan in inta sinantú bo atorangnea kon bangusa in Israel.

EZRA 7:14

Sin akuoi takin mononongginaku taya pitu in nopotabá kon i Utat mayá in Yerusalem bo Yohuda sin monaridi kon kaadaannea bo moindoi mongo Hukum i Allah inta pinoki kadai kon i Utat, in totu-totuu dinuduian.

NEHEMIA 9:3

Degá toḷu nojam in koonggotnea, buk i Tuhan, Allah monia, binaca kon i monia bo toḷu doman nojam noiduduimai mosia in nongaku kon dosa mita monia. Nopaḷut mako kon tua sinumungkud in mosia bo nosumba kon i Tuhan, Allah monia.

MAZMUR 19:7

Sia in noḻibu kon ḷangit nongkon popodnea tobatú nodapot in popodnea ibanea; diábí in kotaḻiban in patúnea.

AMSAL 2:6

Ki Tuhanbí in mobogoi in hikmat; nongkon i-Niabí intau mokouḻí kon pongotahuan bo komomangaḻe.

AMSAL 6:23

Topotundú mita in guyangamu naonda bo togá inta mobayag; toboḷow monia mopoontong kon inimu in kobobiag inta mopia.

MALEAKHI 2:7

Totuu kon nobaḻí oaidan in imang mita in motundú kon inta mobanar soaḷ Akuoi, ki Tuhan Inta Totok in moḷantud. Kon i monia tuata in poḻibóan in rayat mongo onu in koibog-Ku, sin mosia tua in totabá-Ku mita.

MATIUS 13:52

Dá ki Yesus in noguman kon i monia, “Pomuḷoi in intau inta monotaau totok kon atorang i Musa bo notarima kon totundú kon naonda in ki Allah momarenta tua, yo sia in naonda bo ki togi baḷoi inta nopoḷuai in pakakatnea nobagu bo inta nokoyongan nongkon tampat inta pinotagúannea.”

MARKUS 6:34

Naonda in tubu monia, nobayong totok in intau inontong i Yesus kon tua. Dá totokdon inangoian tabi in Sia kon i monia, sin mosia tua naonda bo domba inta diá kogombala. Bo nomangkoidon in Sia nopoyaput in totundú kon i monia kon mobayong in soaḷ.

ULANGAN 16:18

“Kon pomuḷoi in kotá inta inogoi i Tuhan Allahmu kon inimu, moiko in musti moduí kon hakim mita bo petugas mita ibanea sin mohakim kon rayat takin moadil.

KOLOSE 1:28

Ki Kristusbí tatua inta pinotaau nami kon intau mita. Kami nomaké in kabijaksanaan bo pongotahuan in mononggina bo motundú kon i monia, sinbá pomuḷoi in intau motaau diaan kon i Allah saḷaku intau inta noguyangdon in pirisaya, sin mosia ain notobatú i Kristus.

YAKOBUS 1:5

Aka oyúon in kon sigad monimu in diápa totok mobijaksana; yo musti mopoigum kon i Allah, dá ogoianbí i Allah in kabijaksanaan in sia. Sin takinbí pia in gina bo tabi in ki Allah in mobogoi kon batúan in intau.