EZRA 7:23 - Alkitab Singog In Mongondow Masa In Tanaa

²³ Aidan kopiaan totok in moposadia kon bayongan inta inigum i Allah inta nongawasa kon soroga inta pakéon kon Baḷoi-Nea sinbá diá in Sia tumorú kon inakó andeka kon intau mita inta noigum moiduduimai kon inakó.

EZRA 7:23 ပူးပေါင်းရင်းမြစ်များ

EZRA 7:13

Akuoi in nomarenta kon bayongan in imang, intau in Lewi bo intau mita in Israel ibanea inta kon sinangkup in dodatuan ku, inta moibog mayá in Yerusalem, in ogoibí mayá moyotakin i Utat.

EZRA 7:18

Saḷaka bo buḷawan inta ki agatnea in motaaubí pakéon i Utat kon kaparaḷuan i Utat bo totakin i Utat mita podudui in ibog i Allah i Utat.

EZRA 7:22

modapot in ná tanaa in kobayongnea: saḷaka modapot in 3.400 nokilo, gandum in modapot in 10.000 nokilo, anggur in modapot in 2.000 noliter, ḷana in zaitun modapot in 2.000 noliter, bo simuton kinobobayongbí inta paraḷuon.

MAZMUR 119:4

Iko in nobogoi kon inami in hukum-Mu, o Tuhan, sinbá aidan nami intua takin mokopotoḷutui.

IḶUAIAN 5:3

Ki Musa bo ki Harun in noguman, “Ki Allah intau Ibrani ain nokipogontong kon inami. Ogoiaipa in kasampatan in kami mayá in padang gurun inta koyayúnea in toḷu nosinggai in bayáan sinbá motaau moposumba in kuruban kon i Tuhan, ki Allah nami. Aka kami diá mogaid kon tua, yo kami in ḻimodon-Nea in takit ande parang.”

YEREMIA 29:7

Pogaidon sinbá motompia in kotá mita inta pinoḷumbúan-Ku kon i monimu. Posambayangdon kon i-Nakó sin kopontingan in kotá mita tatua, sin aka kotá mita tatua mobiag mooyúon, yo moiko in mobiagbí doman mooyúon.

ZAKHARIA 12:3

Táe aka singgai tatua moiangoi, baḻíon-Ku in Yerusalem naonda bo batu inta mobogat; bangusa taondaka in moḷongasi mobuat kon tua yo moboditobí. Bayongan in bangusa kon dunia in dumugangbí sin monubu kon Yerusalem.