EZRA 7:15 - Alkitab Singog In Mongondow Masa In Tanaa

¹⁵ Akuoi takin mononongginaku in moibog moposumba in buḷawan bo saḷaka kon i Allah in Israel, Allah inta nogutun kon Yerusalem. Diadon in sosumba nami tatua.

EZRA 7:15 ပူးပေါင်းရင်းမြစ်များ

TAWARIKH 1 29:6

Dá tongguḷu mita in inanakan, tongguḷu in suku, porwira mita bo moḷoḷukad kon kapunyaan i datu in noguman doman kon mosia in moibog doman mosumbang.

TAWARIKH 2 2:6

Táe sabanarnea in diábí tobatúmai in intau in mokotongod in moposindog in baḷoi kon i Allah, sin bayongan in toḷungayá naa in diá tugat in ḷobennea pobaḷoian sin pogutunan-Nea. Dá Baḷoi Tuhan inta koposindoganku naa in diá bo diá in tongábí tampat pototubáan kon dupa kon i Allah!

TAWARIKH 2 32:23

Nobayong in intau in namangoi in Yerusalem modia kon sosumba kon i Tuhan bo tombuinag mita kon i Hizkia, dá nongkon dodaidon intua sia ihoromat in bayongan bangusa.

TAWARIKH 2 6:2

Tanaa in pinosindogkudon kon ini-Mu in Baḷoi inta mogaga, sin pogutunan-Mu mononoi.”

EZRA 1:6

Bayongan in topodiug monia notuḷung doman kon i monia poḷat nobogoi in pakakat mita, ná pakakat mita saḷaka bo buḷawan, tongkaaḷ kon daḷan, biag pododatogan, kapunyaan ibanea bo sosumba mita inta ogoi kon Baḷoi Tuhan.

EZRA 6:12

Igumon mako ki Allah inta ain nomiḻí kon Yerusalem mobaḻí tampat pososumbaan kon i-Nia, moyopú kon batúan datu andeka bangusa inta mokobaḻí ḻimimpat kon parenta tanaa bo monungkuḷ morimumud kon Baḷoi Tuhan kon Yerusalem tatua. Akuoi, ki Darius, ain nobogoi in parenta tanaa. Aidai kopiaan totok.”

EZRA 6:4

Dindingnea mita in musti pomiaan nanaa: kon tudu in pomuḷoi in toḷu nogaip in batu musti popoaip doman in kayu togaip. Bain doit in dodatuan in poguboḻi kon tua mita.

EZRA 7:14

Sin akuoi takin mononongginaku taya pitu in nopotabá kon i Utat mayá in Yerusalem bo Yohuda sin monaridi kon kaadaannea bo moindoi mongo Hukum i Allah inta pinoki kadai kon i Utat, in totu-totuu dinuduian.

EZRA 8:25

Onda intua sinimbangku kon i monia in saḷaka, buḷawan bo pakakat mita inta ain pinosumba i datu, in monononggina mita bo intau mita moḷoben bo in bayongan in intau in Israel, sin pakéon kon bonu in Baḷoi Tuhan. Bayongan intua inogoiku kon imang mita tatua.

MAZMUR 135:21

Dayowdon in ki Tuhan kon Sion, kon Yerusalem tampat pinogutunan-Nea. Dayowdon in ki Tuhan!

MAZMUR 26:8

Akuoi in moibog kon Baḷoi-Mu, o Tuhan, pinogutunan-Mu inta notangkup in kamuliaan.

MAZMUR 72:10

Datu mita in Tarsis bo ḻibuton mita in modiabí kon sosumba kon inia. Datu mita in Arab bo in Etiopia in mamangoi modia kon iba.

MAZMUR 76:11

Umpaka intau mita inta totok in moḻingá modayow kon ini-Mu, bo inta sinumorúpa in momaké in kaeng karong tomponuot nonogumatoi.

MAZMUR 76:2

Ki Allah in ponango-nangoian kon Yohuda; tangoi-Nea in noiwayadon kon Israel.

MAZMUR 9:11

Intau inta nonotaau kon ini-Mu mogoḷat mako kon ini-Mu, o Tuhan, intau inta mosumba kon ini-Mu diábí taḷaan-Mu.