EZRA 7:14 - Alkitab Singog In Mongondow Masa In Tanaa

¹⁴ Sin akuoi takin mononongginaku taya pitu in nopotabá kon i Utat mayá in Yerusalem bo Yohuda sin monaridi kon kaadaannea bo moindoi mongo Hukum i Allah inta pinoki kadai kon i Utat, in totu-totuu dinuduian.

EZRA 7:14 ပူးပေါင်းရင်းမြစ်များ

EZRA 1:3

Igumon mako ki Allah moḷukad kon i monimu komintan inta nobaḻí umat-Nea. Moiko in mustibí mobui kon Yerusalem bo moposindog bui in Baḷoi Tuhan, Allah in Israel, ki Allah inta nogutun kon Yerusalem.

EZRA 5:8

Poigumon mako komangaḻean i Tuang, kon kami in minayádon kon propinsi in Yohuda bo nokoontong kon Baḷoi Tuhan, Allah Inta Moḷoben, in koyogotdon posindogon bui nomaké in batu mita moḷoben bo dindingnea mita inta inaipan in kayu. Oaidan tatua inaidan takin notaridi totok bo minayá notompia.

EZRA 6:12

Igumon mako ki Allah inta ain nomiḻí kon Yerusalem mobaḻí tampat pososumbaan kon i-Nia, moyopú kon batúan datu andeka bangusa inta mokobaḻí ḻimimpat kon parenta tanaa bo monungkuḷ morimumud kon Baḷoi Tuhan kon Yerusalem tatua. Akuoi, ki Darius, ain nobogoi in parenta tanaa. Aidai kopiaan totok.”

EZRA 6:8

Poyotakinon in naa akuoi momarenta kon i Utat mita mobantung kon i monia mogaid kon oaidan monia tatua takin aid nanaa: Bayongan in boḻi in oaidan poposindogan bui in Baḷoi tatua musti gamáan nongkon pajak in negara kon propinsi in Eprat Toyopan bo musti uboḻian kon intau mita tatua takin diábí baḷú-baḷuian in wakutunea.

EZRA 7:15

Akuoi takin mononongginaku in moibog moposumba in buḷawan bo saḷaka kon i Allah in Israel, Allah inta nogutun kon Yerusalem. Diadon in sosumba nami tatua.

EZRA 7:28

Pinodoyon kon totuḷung i Allah akuoi in kinosanang i datu, in monononggina bo pojabatnea mita inta nongawasa tatua; ki Tuhan Allahku ain nobogoi in ibog moḷoben kon inakó dá akuoi in nokotongganutdon kon nobayong totok in tongguḷu in inanakan Israel sin mobui kon Yerusalem.”

EZRA 8:25

Onda intua sinimbangku kon i monia in saḷaka, buḷawan bo pakakat mita inta ain pinosumba i datu, in monononggina mita bo intau mita moḷoben bo in bayongan in intau in Israel, sin pakéon kon bonu in Baḷoi Tuhan. Bayongan intua inogoiku kon imang mita tatua.

ESTER 1:14

Naa in monononggina mita inta mokakit oiníon i datu: ki Karsena, ki Setar, ki Admata, ki Tarsis, ki Meres, ki Marsena, bo ki Memukan. Mosia tua in intau mita moḷoben in Persia bo Media inta koḷoḻitúan moḷantud totok kon dodatuan.

YESAYA 8:20

Tubagai nanaa, “Indongogai in totundú in Tuhan! Intau inta diá nosingog podudui in totundú tatua, diábí in kamang.”

DANIEL 2:47

Ki Datu in noguman, “Totuu, Daniel, ki Allahmu tua in moḷobe-ḷobenbí kon bayongan in allah. Sia in nongawasa kon bayongan in datu, bo nopotaau in bayongan inta noibuni. Kinotaauanku intua sin iko in nokomampudon noginsilang kon mangaḻe in inta noibuni tanaa.”

DANIEL 6:20

Kon tungkuḷ in modiugpa mobayag nobangondon in ki datu bo iḻimikat minayá in angob in singa.

DANIEL 6:26

Nopaḷut mako kon tua ki Datu Darius nokidia in surat kon intau mita nongkon bayongan in bangusa, inanakan bo bahasa kon sinangkub in dunia, “Salam kobiagan motompia!

ZAKHARIA 6:10

Kai-Nia, “Gamádon in sosumba inta inogoi i Heldai, i Tobia bo i Yedaya, intau mita inta bagu nobui nongkon pinoḷumbúan kon Babel. Ḷagidon dia in sosumba monia tatua kon baḷoi i Yosia ki adí i Zepanya.