EZRA 6:8 - Alkitab Singog In Mongondow Masa In Tanaa

⁸ Poyotakinon in naa akuoi momarenta kon i Utat mita mobantung kon i monia mogaid kon oaidan monia tatua takin aid nanaa: Bayongan in boḻi in oaidan poposindogan bui in Baḷoi tatua musti gamáan nongkon pajak in negara kon propinsi in Eprat Toyopan bo musti uboḻian kon intau mita tatua takin diábí baḷú-baḷuian in wakutunea.

EZRA 6:8 ပူးပေါင်းရင်းမြစ်များ

EZRA 4:16

Dá, moyakinbí in kami, kon aka kotá tatua posindogon bui bo dindingnea mita in posindogondon, dá ki Tuang in diá bidon bui mokokawasa kon propinsi in Eprat in Toyopan tanaa.”

EZRA 4:23

Naonda in surat i Artahsasta tatua binaca kon i Rehum, kon i Simsai bo kon topotakin monia, ḷagidon nobuat in mosia minayá in Yerusalem bo nomakisa kon intau in Yahudi nopogogai in oaidan moposindog bui in kotá tatua.

EZRA 5:5

Táe ki Allah in noindoi mako bo nogoḻiung kon itoi mita in Yahudi tatua, dá intau mita moḷoben pomarenta in Persia nonantúdon kon diádon mopogogai kon i monia kon dodai in mosia diápa mokidia in surat kon i Darius bo motarima kon tubagnea.

EZRA 6:14

Binantungan i Nabi Hagai bo i Zakharia, itoi mita in Yahudi nongingguput kon pinogaidan kon Baḷoi Tuhan tatua. Mosia in ḷagi noginḷapat kon Baḷoi tatua podudui in parenta i Allah Israel bo i Kores, i Darius bo i Artahsasta, datu mita in Persia tatua.

EZRA 6:4

Dindingnea mita in musti pomiaan nanaa: kon tudu in pomuḷoi in toḷu nogaip in batu musti popoaip doman in kayu togaip. Bain doit in dodatuan in poguboḻi kon tua mita.

EZRA 6:7

bo dika moḷamboi kon pogaidan monia kon Baḷoi pooibadaan monia. Pomayádon mako in ki gubernur in Yohuda bo itoi mita in Yahudi in moposindog bui in Baḷoi tatua.

EZRA 6:9

Koḻikud intua onukabí in paraḷuon podudui inta pinoguman in imang mita kon Yerusalem, ná umpamanea sapi koḷakian inta noguodpa, domba koḷakian bo ki adí in domba sin pakéon kuruban posumba kon i Allah inta nongawasa kon soroga, gandum doman, simuton, anggur bo ḷana zaitun, musti ogoi kon i monia pomuḷoi in singgai diábí in taḻiban.

EZRA 7:14

Sin akuoi takin mononongginaku taya pitu in nopotabá kon i Utat mayá in Yerusalem bo Yohuda sin monaridi kon kaadaannea bo moindoi mongo Hukum i Allah inta pinoki kadai kon i Utat, in totu-totuu dinuduian.

NEHEMIA 11:23

Kasampatan in batúan inanakan in moindoi kon musik kon Baḷoi Tuhan pomuḷoi in singgai in sinantú podudui in atorang i datu.

NEHEMIA 2:8

Koḻikud intua, noigum doman in akuoi kon surat ogoi kon i Asap, intau inta moḷoḷukad kon kayuon in dodatuan, sinbá sadiaannea in kayu inta pakéon pogaid kon ḷoḻingkop in bonawang dinding kon diug in Baḷoi Tuhan, bo pakéon kon dinding in kotá bo baḷoi inta pogutunanku. Onu in pinoigumku nodait dinuduian i datu, sin ki Allah in notuḷung kon inakó.

DANIEL 6:26

Nopaḷut mako kon tua ki Datu Darius nokidia in surat kon intau mita nongkon bayongan in bangusa, inanakan bo bahasa kon sinangkub in dunia, “Salam kobiagan motompia!

HAGAI 2:8

Bayongan in buḷawan bo saḷaka kon dunia naa in Akuoibí in kitogi.