EZRA 6:16 - Alkitab Singog In Mongondow Masa In Tanaa

¹⁶ Onda intua takin pia in gina intau mita in Israel, imang mita, intau mita in Lewi bo bayongan intau inta nobui nongkon pinoḷumbúan in nokopoḷapat kon Baḷoi Tuhan tatua.

EZRA 6:16 ပူးပေါင်းရင်းမြစ်များ

DATU MITA IMITÁNEA 8:62

Nopaḷut mako kon tua ki Datu Salomo bo bayongan in intau inta nosipun kon tua noposumba in kuruban kon i Tuhan.

DATU MITA IMITÁNEA 8:63

Inogoi nobaḻí kuruban dodamean, ki Salomo in noposumba in 22.000 in sapi bo 120.000 in domba. Natuata in ki datu takin bayongan rayat nomia kon upacara pinonoguḷapatan kon baḷoi i Tuhan.

TAWARIKH 1 15:28

Bayongan umat in Israel minayá dinumudui kon Poti Dodandian noidapot in Yerusalem takin giow pia in gina, singog in torompet, napiri, simbal bo kecapi.

TAWARIKH 1 9:2

Nongkon sigad monia inta muna-munamai nobui kon butá monia kon kotá mita in intau biasa, imang mita, intau in Lewi bo inta mogogaid mita kon Baḷoi Tuhan.

TAWARIKH 2 29:30

Ki datu bo intau mita inta sinon itoi kon ḻipú nopotabá kon intau mita in Lewi nokipodondong in dodayow kon i Tuhan in dodayow inta pinomia i Daud bo i Nabi Asap. Komintan intau nodondong takin ḷunganga in gina poḷat sinumungkud bo nosumba kon i Allah.

TAWARIKH 2 30:23

mosia komintan in nonantúdon kon mongingguputdon kon porayaan tatua. Bo mosia in noramedon bui takin ḷunganga in gina.

TAWARIKH 2 30:26

Kotá in Yerusalem norame totok sin pinangkoi kon tungkuḷ i Salomo ki adí ḷoḷaki i Daud, diápa kon dodai in onda in nobaḻí in ná tatua.

TAWARIKH 2 7:5

Binaḻí kuruban dodamean ki Salomo noposumba in sapi 22.000 bo domba 120.000. Natuata in ki datu takin bayongan in rayat nomia kon upacara noposarakan in baḷoi ibada tatua kon i Tuhan.

EZRA 4:1

Habar kon intau mita inta nobui nongkon pinoḷumbúan tatua in koyogotdon moposindog in Baḷoi Tuhan, Allah in Israel, kinodongogandon in musung in intau in Yohuda bo in Benyamin.

EZRA 6:22

Pitu nosinggai in koonggotnea in mosia takin sanang in gina norame kon Singgai moḷoben in Roti diá Iragian. Mosanang totok in gina monia sin ki Tuhan ain nopobaḻí kon i datu in Asyur mopia in gina kon i monia dá notuḷungdon kon i monia kon oaidan noposindog bui in Baḷoi Tuhan, Allah in Israel.

NEHEMIA 12:27

Naonda in dinding Yerusalem sinoguḷapatandon, intau mita in Lewi in inoiní nongkon bayongan in tampat pinogutunan monia, sinbá dumudui moporame kon tua takin dondong sukur monia mopomaké in musik in gambus bo kecapi.

NEHEMIA 12:43

Kon singgai tatua nobayong in kuruban inta pinosumba kon i Tuhan. Rayat noḷunganga in gina sin binaḻídon i Allah in mosia nopia in gina. Bobay mita bo mongo adí mita in sinumakin doman norame, bo singog monia inta moḷunganga tua in kinodongogan noidapot in moyayú.

NEHEMIA 7:73

Imang mita, intau mita in Lewi, moḷoḷukad mita kon ngara in Baḷoi Tuhan, mododondong, nobayong in nongkon rayat biasa, mogogaid mita kon bonu in Baḷoi Tuhan, impoḷok mako in singog bayongan in rayat in Israel, nogutun notantú kon kotá mita bo ḻipú mita in Yohuda.

NEHEMIA 8:10

Pobuidon in tanaa; pongaan bo ponginumdon takin ḷunganga in gina. Ogoidon in tongosilai in kaanon bo anggurmu kon i monia inta diá in kaanon bo inumon. Singgai in naa in singgai inta mokudus kon i Tuhan naton, dá dikadon mokoposusa. Ḷunganga inta inogoi i Tuhan kon i monimu in moginropotbí kon i monimu.”

MAZMUR 122:1

Dondong i Daud kon dodai in mayá in Baḷoi Tuhan. Mopia in ginaku kon tungkuḷ in intau moguman kon inakó, “Igai in kita mayá in Baḷoi i Tuhan!”

DANIEL 5:13

Dá ḷagidon dinia kon tayowon i datu in ki Daniel. Bo ki datu in noḻibódon kon inia, “Iko degá in ki Daniel, intau in Yahudi inta iḷumbú, inta ain dinia i amáku nongkon butá in Yohuda?

YOHANES 10:22

Kon Yerusalem intau mita koyogot morame kon Singgai Moḷoben Pinonoguḷapatan kon Baḷoi Tuhan. Dodai intua sempo in tumping.

ULANGAN 12:7

Kon tua doman, kon tayowon i Tuhan Allahmu, moiko moyotakin in motoḷuadímu musti mongaan takin ḷunganga in gina sin bayongan inta iramujimu oyúon in mangaḻenea sin binarakatan i Tuhan Allahmu.

PILIPI 4:4

Kosanangdon in gina monimu sin ain nopirisaya bo nobiag notobatú takin i Tuhan. Buipa doman pogumanku: kosanangdon in ginamu!