EZRA 6:12 - Alkitab Singog In Mongondow Masa In Tanaa

¹² Igumon mako ki Allah inta ain nomiḻí kon Yerusalem mobaḻí tampat pososumbaan kon i-Nia, moyopú kon batúan datu andeka bangusa inta mokobaḻí ḻimimpat kon parenta tanaa bo monungkuḷ morimumud kon Baḷoi Tuhan kon Yerusalem tatua. Akuoi, ki Darius, ain nobogoi in parenta tanaa. Aidai kopiaan totok.”

EZRA 6:12 ပူးပေါင်းရင်းမြစ်များ

DATU MITA IMITÁNEA 9:3

Ki Tuhan in noguman kon inia, “Sambayangmu inindongogan-Kudon, dá tanaa in baḷoi inta pinosindogmu tanion poniata-Kudon kon mobaḻí tampat mokudus inta umuran mononoi pakéon posumbaan kon i-Nakó. Umuran-Kubí indoian mako bo ḷukadan in tampat tanaa.

TAWARIKH 2 7:16

Bayongan intua aidan-Ku sin tampat tanaa in piniḻí-Kudon bo sinondí-Kudon mobaḻí tampat poibadaan kon i-Nakó mononoi. Indoian-Kubí intua bo ḷukadan-Ku kinoouputbí in dunia naa.

EZRA 6:13

Parenta i Datu Darius tatua in inaidan kinotaridi totok i Tatnai, gubernur in Eprat Toyopan, bo i Syetar-Boznai bo totakin mita monia.

EZRA 6:14

Binantungan i Nabi Hagai bo i Zakharia, itoi mita in Yahudi nongingguput kon pinogaidan kon Baḷoi Tuhan tatua. Mosia in ḷagi noginḷapat kon Baḷoi tatua podudui in parenta i Allah Israel bo i Kores, i Darius bo i Artahsasta, datu mita in Persia tatua.

EZRA 7:15

Akuoi takin mononongginaku in moibog moposumba in buḷawan bo saḷaka kon i Allah in Israel, Allah inta nogutun kon Yerusalem. Diadon in sosumba nami tatua.

EZRA 7:17

Pakédon kopia in doit tatua sin potaḷui kon sapi koḷakian, domba koḷakian, ki adí in domba, gandum bo anggur. Posumba intua komintan kon tudu in mezbah Baḷoi Tuhan kon Yerusalem.

EZRA 7:26

Pomuḷoi in intau inta doí dumudui kon Hukum mita i Allah i Utat, andeka hukum mita in dodatuan, mustibí ḷagi hukumon matoi andeka ḷumbúon, andeka gamáan in kapunyaannea, andeka bonuon kon ponjara.”

ESTER 8:14

Dá nobuatdon in totabá mita tatua sinumakoi kon kabaḷo mita i datu. Kon Susan ibukotá in negara, binaca doman in parenta tatua.

MAZMUR 5:10

Sin tosingogon in musungku in diábí motaau pirisayaanmai; gina monia in nopuḻing in tomayá moraat. Tosingogon monia in mopia mokooangá, táe bonu in dodob monia nopuḻing in moraat.

IḶUAIAN 20:24

Pomiaidon in Akuoi kon mezbah tobatú nongkon butá, bo pobogoidon in sosumba kon tua domba bo sapimu mobaḻí kuruban inta sinubá bo kuruban pondamean. Kon bayongan in tampat inta sinantú-Ku kon inimu mobaḻí tampat poibadaan kon i-Nakó, Akuoi in mamangoibí bo momarakat kon i monimu.

MOHOHUTUBA 9:10

Aidaibí in bayongan oaidanmu podoyon kon bayongan ropotmu. Sin moiangoibí in kodaitan raian andeka oaidan. Diábí in ilimu andeka pandoi kon dunia in intau minatoi. Bo kon tuata in bayáanmu.

YESAYA 60:12

Bangusa bo dodatuan inta doí mobantung kon inimu, in moyopúbí bo moinggamádon.

OBAJA 1:10

“Noḻingádon in pinogogaidmu kon i utatmu mita buí i Yakub. Tuamai in yopúon in iko, bo singkuḻeon in intau modapot in kopaḷutannea.

OUMAN IN RASUL MITA 9:5

Dá ki Saulus in noḻibó, “Ki ine in Iko Tuang?” Dá kain tubag in singog tatua, “Akuoi naa in ki Yesus inta pinogutúmu tua.

ULANGAN 12:11

Onda intua ki Tuhan Allahmu momiḻí kon tampat tobatú inta motaau posumbaan kon i-Nia. Kon tuata in musti monimu bayáan bo modia kon bayongan inta ain pinogumanku, tuata in kuruban payongon bo kuruban mita ibanea, sosumba mopuḷú noporosen bo sosumba inta pinonangoi inta pinodandimu kon i Tuhan.

ULANGAN 12:5

Nongkon bayongan butá in suku in mita Israel, ki Tuhan Allahmu in momiḻíbí kon tampat tobatú sinbá bangusa naton motaau mamangoi in tayowon-Nea bo mosumba kon i-Nia.

ULANGAN 16:2

Bayádon kon tampat inta piniḻí i Tuhan kon porataan kon tobatú bembé domba ande sapi mobaḻí sosumba Paska sin mohoromat kon i Tuhan Allahmu.