EZRA 6:11 - Alkitab Singog In Mongondow Masa In Tanaa

¹¹ Akuoi in momarenta sinbá intau inta ḻimimpat kon parenta tanaa yo nongkon baḷoinea in rabuton in oigi tobatú, tonggoruitan in popodnea, bo popoturak kon awak in intau tatua modapot in moiḷambai. Baḷoinea in musti kokaion bo baḻíon yoyatan.

EZRA 6:11 ပူးပေါင်းရင်းမြစ်များ

DATU MITA 2 10:27

Patong tatua in irimumud takin baḷoinea bo tampat tatua in binaḻídon poḷoḷumbúan kon tubig dapot in singgai naa.

DATU MITA 2 9:37

bo kiagat in awak tatua in moitabudon magí mako naonda bo taai in mahaḷuk dá diábí tobatúmai in intau in monotaau kon mayat i ine intua.’ ”

EZRA 7:26

Pomuḷoi in intau inta doí dumudui kon Hukum mita i Allah i Utat, andeka hukum mita in dodatuan, mustibí ḷagi hukumon matoi andeka ḷumbúon, andeka gamáan in kapunyaannea, andeka bonuon kon ponjara.”

ESTER 5:4

Ki Ester in notubag, “Aka mosanang in gina i Tuang, dá mamangoipa in doḷom naa in ki Tuang bo ki Haman kon bobutungan inta aidanku kon i Tuang.”

ESTER 7:10

Natuata in nobaḻí ki Haman pinobambé kon oigi inta ain pinosindognea kon i Mordekhai. Nopaḷut mako kon tua noinggamádon in torú i datu.

DANIEL 2:5

Ki Datu in notubag, “Sinantúkudon in naa: Moiko in mustibí mopotaau in togoindop tatua kon inakó, takin doman mangaḻenea. Aka diá in moiko mokopotaau, yo pongko-pongkóon in moiko bo baḷoi monimu in umpagon.

DANIEL 3:29

Tuamai in akuoi in momarenta kon bayongan in intau nongkon bangusa, inanakan andeka bahasa onuka, inta moningkuḻe kon i Allah inta sinumba i Sadrakh, i Mesakh bo i Abednego, yo pongko-pongkóonbí bo baḷoinea in umpagon bo baḻíon bonturungan in apug. Sin diábí in dewa in mokoaid kon onu inta inaidan i Allah tatua.”