EZRA 6:10 - Alkitab Singog In Mongondow Masa In Tanaa

¹⁰ Aidai intua komintan sinbá mosia in motaau moposumba in kuruban inta mokosanang kon i Allah inta nongawasa kon soroga, bo bá mosia in mopoigum in barakat kon inakó bo kon i adíku mita ḷoḷaki.

EZRA 6:10 ပူးပေါင်းရင်းမြစ်များ

KINOBAḺIAN 8:21

Bó mobondu in kuruban sosumba tatua nokosanang kon gina i Tuhan, bo Sia in nosingog kon bonu in gina, “Akuoi in diá bidon bui mongutuk kon dunia naa popisí in oaid intau; kinotaauan-Ku, kon nongkon sia noguodpamai, raian intau tua in moraatbí. Diá bidon mokoimontanmai in Akuoi moyopú kon bayongan mahaḷuk inta nobiag ná inta bagu-Ku inaidan tanaa.

EZRA 1:2

“Naa in parenta i Kores, datu in Persia. Ki Tuhan, Allah inta nongawasa kon soroga ain nomaḻí kon inakó datu kon sinangkup in dunia, bo nopotabá kon inakó moposindog in baḷoi kon i-Nia kon Yerusalem kon butá in Yohuda.

EZRA 6:9

Koḻikud intua onukabí in paraḷuon podudui inta pinoguman in imang mita kon Yerusalem, ná umpamanea sapi koḷakian inta noguodpa, domba koḷakian bo ki adí in domba sin pakéon kuruban posumba kon i Allah inta nongawasa kon soroga, gandum doman, simuton, anggur bo ḷana zaitun, musti ogoi kon i monia pomuḷoi in singgai diábí in taḻiban.

EZRA 7:23

Aidan kopiaan totok in moposadia kon bayongan inta inigum i Allah inta nongawasa kon soroga inta pakéon kon Baḷoi-Nea sinbá diá in Sia tumorú kon inakó andeka kon intau mita inta noigum moiduduimai kon inakó.

IḶUAIAN 12:32

Diadon in bayongan sapi, domba, bo bembému, bo bayádon! Poigumai domandon kon barakat in akuoi!”

YEREMIA 29:7

Pogaidon sinbá motompia in kotá mita inta pinoḷumbúan-Ku kon i monimu. Posambayangdon kon i-Nakó sin kopontingan in kotá mita tatua, sin aka kotá mita tatua mobiag mooyúon, yo moiko in mobiagbí doman mooyúon.

DANIEL 2:46

Bo dinumokódon in ki Datu Nebukadnezar kon tayowon i Daniel bo nobogoi in parenta sinbá ki Daniel in horomaton bo sia in ogoian in kuruban payongon takin sosumba mita ibanea.

IMAMAT 1:13

Bo intau tatua musti mondarit kon bonu in sian bo páa in biag tatua. Onda intua imang musti moposumba intua komintan kon i Tuhan, bo tubáannea kon tudu in mezbah. Rongingi in kuruban tatua mokosanang kon gina i Tuhan.

IMAMAT 1:9

Bo intau tatua musti mondarit kon bonu in sian takin paa in sapi tatua, bo imang inta mogaid kon oaidan tatua musti motubá kon tua mita. Rongingi in kuruban sinubá tatua mokosanang kon gina i Tuhan.

EPESUS 5:2

Kobiagbí takin oyúon tabi, ná ki Kristus motabi kon i naton. Sia in nopokuruban in kobiagan-Nea kon i naton bo nobaḻí tobatú sosumba inta totok in mobondu bo inta mokosanang kon gina i Allah.