EZRA 5:3 - Alkitab Singog In Mongondow Masa In Tanaa

³ Táe ki Tatnai, gubernur in propinsi Eprat Toyopan, takin i Syetar-Boznai in ḷagi namangoi kon Yerusalem bo noḻibó kon intau mita in Yahudi, “Ki ine in nopotabá kon i monimu moposindog bo monompakakat kon Baḷoi pooibadaan tanaa?”

EZRA 5:3 ပူးပေါင်းရင်းမြစ်များ

EZRA 1:3

Igumon mako ki Allah moḷukad kon i monimu komintan inta nobaḻí umat-Nea. Moiko in mustibí mobui kon Yerusalem bo moposindog bui in Baḷoi Tuhan, Allah in Israel, ki Allah inta nogutun kon Yerusalem.

EZRA 4:12

Poigumon mako komangaḻean i Tuang, kon intau in Yahudi inta ain nonaḷámai kon butá mita ibanea kon bonu in dodatuan i Tuang, tanaa in nogutundon notantú kon Yerusalem bo koyogot in noposindog bui in kotá inta moraat bo moibog momarontak tua. Mosia in nomangkoidon noposindog bui in dindingnea mita bo diádon moonggot bo moḷapat in oaidan tatua.

EZRA 5:6

Naa in lapuran inta pinoki dia monia kon i datu,

EZRA 5:9

Onda intua iḻibó nami kon itoi mita in bangusa tatua, ki ine inta ain nobogoi in kasampatan kon in monia moposindog bui in Baḷoi Pooibadaan tatua bo nonompakakat.

EZRA 6:13

Parenta i Datu Darius tatua in inaidan kinotaridi totok i Tatnai, gubernur in Eprat Toyopan, bo i Syetar-Boznai bo totakin mita monia.

EZRA 6:6

Onda intua ki Darius nokidia in tubag nanaa, “Kon i Tatnai, gubernur in propinsi in Eprat Toyopan, bo kon i Syetar-Boznai, bo pojabat mita kon Eprat Toyopan. Dika monuyayow kon intau mita in Yahudi tatua,

EZRA 7:21

Kon i monia inta nokadai kon kas in dodatuan kon propinsi Eprat Toyopan akuoi in momarenta sinbá onu kabí in igumon i Imang Ezra, intau inta nonotaau totok in Hukum i Allah inta nongawasa kon soroga, yo ḷagi ogoi kon inia,

HAGAI 1:1

Kon taong induanea kon pinomarentaan i Datu Darius kon Persia, kon singgai imitánea kon buḷan noginggonom, ki Tuhan in nosingog pinongin i Nabi Hagai. Koyow i Tuhan tatua inogoi kon i Zerubabel ki adí i Sealtiel, gubernur in Yohuda, bo kon i Imang moḷoben Ki Yosua ki adí i Yozadak.

MATIUS 21:23

Bo ki Yesus in sinumuot kon Baḷoi Tuhan, bo naonda in Sia notundú kon tua, namangoidon in imang mita itoi takin guhanga mita in ḻipú intau in Yahudi, bo noḻibó kon i-Nia, “Degá nongkon onda in kawasa inta pinogaid-Mu kon soaḷ mita tatua? Ki ine in nobogoi in kawasa tatua kon ini-Mu?”

OUMAN IN RASUL MITA 4:7

Ki Petrus bo ki Yohanes in dinia kon tayowon sidang tatua bo mulai pinoḻibo-ḻibóan kon rupa-rupa, kai monia, “Naonda in pinongongundam monimu kon intau inta ḻempeng tatua? Ropot bo kawasa i ine in pinogaid monimu kon tua?”