EZRA 4:8 - Alkitab Singog In Mongondow Masa In Tanaa

^8-9 Ki Artahsasta in notarima doman kon surat soaḷ Yerusalem. Surat tatua in pinoki dia mangoi i Gubernur Rehum bo i Simsai momomais in propinsi bo binantungan doman in topotakin mita monia, tuata in hakim mita bo bayongan in intau moḷoben kon Persia ibanea inta nongkon Erekh, Babel, bo Sudan kon butá in Elam,

EZRA 4:8 ပူးပေါင်းရင်းမြစ်များ

SAMUEL 2 20:25

Momomais in negara: ki Seya. Imang: ki Zadok bo ki Abyatar.

DATU MITA 2 18:18

Bo nomaḷú in mosia nogoiní kon i Datu Hizkia. Dá pogawai i Hizkia taya toḷu in iḻumuai nokipodungkuḷ kon i monia. Pogawai taya toḷu tatua in ki Elyakim adí i Hilkia tongguḷu in motoḷuadí kon komaḻig, ki Sebna momomais in negara, bo ki Yoah ki adí i Asap momomais in komaḻig.

EZRA 4:17

Ki datu in nokidia in tubag tanaa, “Kon i Gubernur Rehum bo kon i Simsai momomais in propinsi bo topotakin monia inta nogutun kon Samaria bo kon kotá mita ibanea kon propinsi Eprat Toyopan. Salam.

EZRA 4:7

Ná doman tua in kon pinomarentaan i Artahsasta, kaisar in Persia, tua in nobaḻí bui: ki Bislam, ki Mitredat, ki Tabeel bo yobayat mita monia in nomais kon surat kon i datu. Surat tatua in pinais kon bonu in tosingogon in Aram, bo musti terjemahan kon dodai in bacaan.