EZRA 4:7 - Alkitab Singog In Mongondow Masa In Tanaa

⁷ Ná doman tua in kon pinomarentaan i Artahsasta, kaisar in Persia, tua in nobaḻí bui: ki Bislam, ki Mitredat, ki Tabeel bo yobayat mita monia in nomais kon surat kon i datu. Surat tatua in pinais kon bonu in tosingogon in Aram, bo musti terjemahan kon dodai in bacaan.

EZRA 4:7 ပူးပေါင်းရင်းမြစ်များ

DATU MITA 2 18:26

Bo ki Elyakim, ki Sebna, bo ki Yoah in noguman kon porwira tatua, “Tuang, tumonsingogdon in Aram aka moyosingog nami, komangaḻeanbí nami. Dika momaké in tosingogon in Ibrani, sin komangaḻeandon in rayat inta kon tudu in dinding kotá tatua.”

EZRA 4:1

Habar kon intau mita inta nobui nongkon pinoḷumbúan tatua in koyogotdon moposindog in Baḷoi Tuhan, Allah in Israel, kinodongogandon in musung in intau in Yohuda bo in Benyamin.

EZRA 4:17

Ki datu in nokidia in tubag tanaa, “Kon i Gubernur Rehum bo kon i Simsai momomais in propinsi bo topotakin monia inta nogutun kon Samaria bo kon kotá mita ibanea kon propinsi Eprat Toyopan. Salam.

EZRA 4:8

Ki Artahsasta in notarima doman kon surat soaḷ Yerusalem. Surat tatua in pinoki dia mangoi i Gubernur Rehum bo i Simsai momomais in propinsi bo binantungan doman in topotakin mita monia, tuata in hakim mita bo bayongan in intau moḷoben kon Persia ibanea inta nongkon Erekh, Babel, bo Sudan kon butá in Elam,

EZRA 5:6

Naa in lapuran inta pinoki dia monia kon i datu,

EZRA 7:1

Tongonumai notaong noiduduimai kon tua, kon dodai in ki Artahsasta nomarenta nobaḻí datu in Persia, oyúon in ḷoḷaki tobatú tangoinea in ki Ezra, nongkon buí i Imang Moḷoben ki Harun. Pipidan in pinomuíannea nongkon ḻimonag bo pinoonik in noiduduimai naa: Ki Ezra Ki Seraya Ki Azarya Ki Hilkia

EZRA 8:36

Bo surat inta inogoi i datu kon i monia, pinotaau kon gubernur mita bo kon pojabat in propinsi Eprat Toyopan. Dá pojabat mita tatua in nobogoi in totuḷung kon rayat sinbá mosia in motaaudon umuran moibada kon i Tuhan.

NEHEMIA 2:1

Kon singgai tobatú, opat nobuḷan noiduduimai, inta kon buḷan Nisan, kon dodai in ki Datu Artahsasta koyogot in mongaan, akuoi in nobogoi in anggur kon inia takin molamurú mako. Diápabí kon dodai in onda natua in akuoi kon tayowonnea ná singgai tua.

YESAYA 36:11

Bo guman i Elyakim, i Sebna bo i Yoah kon porwira in Asyur tatua, “Tuang, poyosingogdon nami tumon singog in Aram, komangaḻean nami. Dika momaké in singog in Ibrani, sin komangaḻeandon in rayat kon tudu in dinding in kotá tatua.”

DANIEL 11:2

Bo onu inta pogumanku kon inimu in totuubí.” Malaekat tatua in noguman, “Toḷu in datu ibanea in momarenta kon Persia, dinuduian in datu inta inggopatnea inta mooyu-oyúon nongkon inta ibanea. Kon dodai in moḷantudon totok in kawasa bo kaoyúonannea, sia in mopoyogintayowdon in ropotnea takin dodatuan in Yunani.

DANIEL 2:4

Mosia in notubag kon bonu in singog in Aram, “Kobiagdon Tuangku modapot in mononoi! Oumandon in togoindop tatua kon inami, dá insilangandon nami in mangaḻenea.”