EZRA 4:6 - Alkitab Singog In Mongondow Masa In Tanaa

⁶ Kon pinomangkoian pinomarentaan i Datu Ahasyweros, musung mita in intau in Yerusalem bo Yohuda in nomais kon surat gugatan.

EZRA 4:6 ပူးပေါင်းရင်းမြစ်များ

KINOBAḺIAN 26:21

Bobantung mita i Ishak nongaḻi bui kon parigí ibanea, dá bui doman nobaḻí in bobayowan soaḷ parigí tatua. Tuamai, parigí tatua sinangoian i Ishak “Sosaturuan”.

EZRA 4:5

Mosia in nobogoi in doit kon intau mita moḷoben kon pomarentaan in Persia sinbá monginggamá kon tomayá in intau mita in Yahudi tatua. Tua komintan umuran nobaḻí kon tungkuḷ in pinomarentaan i Datu Kores nodapot kon pinomarentaan i Datu Darius.

ESTER 1:1

Kon Susan, ibukotá in Persia, ki Ahasyweros in nomarenta saḷaku datu. Dodatuan nea in 127 nopropinsi, pinangkoi kon India nodapot kon Sudan.

ESTER 1:10

Kon singgai impitunea, ki datu in nonginum nodapot in nosanangdon totok in ginanea. Tuamai in nogoiní in sia kon intaunea pitu inta nobaḻí bobantungnea tontaní; mosia tua in ki Mehunam, ki Bizta, ki Harbona, ki Bigta, ki Abagta, ki Zetar, bo ki Karkas.

ESTER 2:16

Natuata, kon taong impitunea kon pinomarentaan i Ahasyweros kon buḷan impuḷúnea, inta buḷan Tebet, ki Ester dinia kon tayowon i Datu Ahasyweros kon komaḻig in datu.

ESTER 3:8

Bo ki Haman in noguman kon i datu, “Tuang, oyúon in bangusa tobatú inta mokoherang inta noibaya-bayá mako kon batúan in propinsi in dodatuan tanaa. Adat kabiasaannea in noyoposibí totok in bangusa mita ibanea. Mosia in doíbí dinumudui kon hukum mita in dodatuan. Dá, maníka ki Tuang in dikadon mopomayá mako in mosia mogaid kon onuka in kinoibog monia.

DANIEL 11:2

Bo onu inta pogumanku kon inimu in totuubí.” Malaekat tatua in noguman, “Toḷu in datu ibanea in momarenta kon Persia, dinuduian in datu inta inggopatnea inta mooyu-oyúon nongkon inta ibanea. Kon dodai in moḷantudon totok in kawasa bo kaoyúonannea, sia in mopoyogintayowdon in ropotnea takin dodatuan in Yunani.

DANIEL 9:1

Kon taong imitánea kon pinomarentaan i Darius intau in Media, ki adí ḷoḷaki i Ahasyweros kon dodatuan in Babel, akuoi ki Daniel, in nobacamai kon buk mita in agama. Akuoi in nonano-nanobmai kon podudui in tosingogon i Tuhan kon i Nabi Yeremia, kotá in Yerusalem in tantúbí nogoguyaat mako in kon bonu in pitu nopuḷú notaong.

MATIUS 27:37

Bo kon ḻimonik in uḷu-Nea pinopopakuan monia in dopí inta pinaisan in pais inta binaḻí dodoyonan pinohukuman kon i-Nia: “Naadon in ki Yesus Datu intau Yahudi.”

OUMAN IN RASUL MITA 24:13

Bo mosia in diábí doman motaau mobogoi in bukti kon onu inta ilapur monia kon i Tuang soaḷ inta pinonapud monia kon inakó tua.

OUMAN IN RASUL MITA 25:7

Naonda in ki Paulus noiyaputdon in yuang pinosidangan, intau mita in Yahudi inta namangoi mita nongkon Yerusalem sinimindog iḻimibu kon inia, bo yagi-yagidon in pinonapud monia kon inia. Táe mosia in diá nokouḻí kon bukti in onu inta pinonapud monia tua kon inia.

WAHYU 12:10

Bo akuoi in nokodongog kon singog noḷangon nongkon soroga inta noguman, “Tanaadon in wakutunea ki Allah moposaḷamat kon umat-Nea! Tanaadon in wakutunea ki Allah mopoontong in kawasa-Nea saḷaku Datu! Tanaa in Datu Mopoposaḷamat inta pinodandi tatua mopoontong domandon in kawasa-Nea! Sin ki inta moponapudmai doḷom bo singgai kon i utat naton ain pinoḷuai nongkon soroga.