EZRA 4:5 - Alkitab Singog In Mongondow Masa In Tanaa

⁵ Mosia in nobogoi in doit kon intau mita moḷoben kon pomarentaan in Persia sinbá monginggamá kon tomayá in intau mita in Yahudi tatua. Tua komintan umuran nobaḻí kon tungkuḷ in pinomarentaan i Datu Kores nodapot kon pinomarentaan i Datu Darius.

EZRA 4:5 ပူးပေါင်းရင်းမြစ်များ

TAWARIKH 2 22:4

Ki Ahazia in binaradosa kon i Tuhan naonda bo motoḷuadí i Ahab, sin mosia tua in nobaḻí mononongginanea naonda in ki amánea minatoi. Monononggina mita tatuata inta nokobodito kon inia.

EZRA 4:24

Pinogaidan kon Baḷoi Tuhan in pinogogaidon bo diádon iningguputan nodapot kon taong nogindua kon pinomarentaan i Darius, datu in Persia.

EZRA 4:4

Onda intua intau mita inta ain noonggot in nogutun kon butá tatua nomangkoidon monginggamá kon ibog in intau in Yahudi poḷat doman mopogogondok kon i monia sinbá oaidan tatua pogogaiondon.

EZRA 4:6

Kon pinomangkoian pinomarentaan i Datu Ahasyweros, musung mita in intau in Yerusalem bo Yohuda in nomais kon surat gugatan.

EZRA 5:5

Táe ki Allah in noindoi mako bo nogoḻiung kon itoi mita in Yahudi tatua, dá intau mita moḷoben pomarenta in Persia nonantúdon kon diádon mopogogai kon i monia kon dodai in mosia diápa mokidia in surat kon i Darius bo motarima kon tubagnea.

DANIEL 10:13

Malaekat moḷoḷukad kon dodatuan in Persia noḷawang kon inakó doyowa nopuḷú bo mita nosinggai in koonggotnea. Bo ki Mikhael, tobatú itoi in malaekat mita, namangoi bo notuḷung kon inakó. Sinaḷáanku in sia kon tua, kon Persia.

NAHUM 1:11

Nongkon inimu, ei Niniwe, noiangoidon in intau tobatú inta nopuḻing in tomayá moraat. Sia in nogaid kon tomayá sin moḷawang kon i Tuhan.