EZRA 4:20 - Alkitab Singog In Mongondow Masa In Tanaa

²⁰ Nokoimontan doman in datu mita inta motorindog nomarenta kon tua bo nongawasa kon sinangkup in propinsi Eprat Toyopan bo noigum kon pajak bo iba.

EZRA 4:20 ပူးပေါင်းရင်းမြစ်များ

KINOBAḺIAN 15:18

Kon dodai doman tuata ki Tuhan nogaid kon dodandian takin i Abram. Guman i Tuhan, “Akuoi in modandi kon ogoi-Ku kon buímu in bayongan butá tanaa, pinangkoi kon sigad in butá in Mesir modapot kon Ongkag in Eprat,

DATU MITA IMITÁNEA 4:21

Batúan in motoḷuadí oyúonbí in gobá in anggur bo gobá in ara. Kinoouputbí in kinobiagan i Salomo rayat kon bayongan in Yohuda bo Israel nongkon Dan nodapot in Bersyeba nobiag noaman bo notompia. Sin, bayongan in datu kon dotá in toyopan in Eprat notoguondok kon inia, bo bayongan in bangusa nongkon negara mita inta kon diugmai in dodatuan nea noyobayat takinnea. Butá kon dotá in toyopan kon Ongkag in Eprat nongkon Tipsah kon bingkí in Ongkag in Eprat minayá in toyopan ná kotá in Gaza kon Pilistin nodapot kon pinosigadan in Mesir, komintan kinawasa i Salomo. Bangusa mita kon butá tatua notoguondok kon inia bo moguboḻi kon iba. Bahan mita in kaanon inta paraḷuon i Salomo muḷoi in singgai in 5.000 noliter in topong inta moyimok, 10.000 noliter in topong inta nogoros, 10 in sapi kinobang, 20 in sapi kon popokaannea, bo 100 in domba. Koḻikud intua, rusa doman, rusa koḷakian, menjangan bo biag ḷumoḷayug.

DATU MITA IMITÁNEA 5:1

Ki Hiram, datu in Tirus, umuran noyobayat i Datu Daud. Naonda in kinodongogan i Hiram kon ki Salomo in nobaḻídon datu nonoḻiu kon i Daud, ki amánea, sia in nopotabá in intaunea namangoi kon i Salomo.

DATU MITA IMITÁNEA 5:4

Táe tanaa in ki Tuhan Allahku ain nobogoi in kobiagan notompia kon bayongan in butá inta kon bonu in kawasaku. Bo diá bidon in musungku, bo diá doman in bodito in noiuma kon butáku.

TAWARIKH 1 18:13

bo noposindog in ḷoḷaigan mita in tontara kon bayongan in Edom. Dá notoguondokdon in intau mita in Edom kon i Datu Daud. Ki Tuhan nobogoi in kauntungan kon i Daud kon ondaka in bayáannea poparangan.

TAWARIKH 1 18:3

Onda intua ki Daud nonaḷow kon i Hadadezer, datu kon Zoba kon diug in butá in Hamat kon butá in Siria. Kon tungkuḷ intua ki Hadadezer kon bonu in binayáan sin mayá mongawasa kon butá inta kon diug in uḷuan Ongkag in Eprat.

TAWARIKH 1 18:6

Onda intua noposindog in sia in ḷoḷaigan mita in tontara kon bonu in butá monia bo notoguondokdon in mosia poḷat noguboḻi kon iba kon inia. Ki Tuhan in nopountung kon i Daud kon ondaka in poparangannea.

TAWARIKH 1 19:19

Kon dodai in datu mita inta kinawasa i Datu Hadadezer, nokoontong kon mosia in sinaḷowdon in tontara in Israel, mosia in nopoigum sinbá modamedon takin i Daud, bo motoguondok kon inia. Nopaḷut mako kon tua intau in Siria doídon mobantung bui kon intau in Amon.

TAWARIKH 2 17:11

Sia in notarima kon nobayong in saḷaka nongkon intau in Pilistin bo tombuinag mita ibanea, bo nongkon intau in Arab sia in notarima kon 7.700 in domba bo 7.700 in bembé.

TAWARIKH 2 9:14

diápabí pinoyoiyap in iba mita nongkon intau mita nooyúon bo inta mopopotaḷui mita. Datu mita in Arab takin gubernur mita in Israel in mobogoi doman in buḷawan bo saḷaka kon inia.

EZRA 4:13

Aka kotá tatua bo koposindogan bui bo dindingnea mita in moḷapatdon posindogon, yo intau mita inta nogutun kon tua in doí bidon moguboḻi kon pajak, bo doit tumuot kon dodatuan in mogaatdon.

EZRA 4:16

Dá, moyakinbí in kami, kon aka kotá tatua posindogon bui bo dindingnea mita in posindogondon, dá ki Tuang in diá bidon bui mokokawasa kon propinsi in Eprat in Toyopan tanaa.”

EZRA 4:19

Bo pinodudui in parentaku dá sinarididon, bo totuu kon pinangkoipabí kon tungkuḷ intua in Yerusalem umuranbí moḷawang kon kawasa in datu mita bo nobayong in kon sigad in intaunea mita in momomarontak bo mogogaid kon dowawá.

EZRA 4:21

Tuamai, poḷuaidon in parenta mopogogai in oaidan in intau mita tatua, sinbá kotá tatua in diádon posindogon bui modapot in akuoi mobogoi bui in parenta ibanea.

EZRA 7:24

Moiko in diábí motaau in moigum kon pajak nongkon imang mita, intau in Lewi, mododondong, moḷoḷukad kon bonawang, mogogaid, andeka ki inekabí inta oyúon in oaidannea kon Baḷoi Tuhan.

MAZMUR 72:8

Dodatuannea in modugang nongkon dagat mopobayá in dagat, moibandang nongkon pomukaan dapot in toyopan.

OMBAḶ 1:1

Totuubí kaasí kon moingongow in Yerusalem in tanaa mako, kotá inta dungkuḷmai totok in morame. Dungkuḷmai in noiḷontú kon sigad in bangusa mita, tanaa in nobaḻídon naonda bo boba-bobay. Dungkuḷmai in kotá inta totok in dinuí-duímai, tanaa in nobaḻídon ata.

YEHEZKIEL 19:11

Tanganea in noropot, diábí motaau tongá putoḷon mako natua mopia pomiaan tungkud in dodatuan. Ḷuntungnea moḷantud mosindog moigawad in goḷom mita. Sia in kinoibog in bayongan intau sin noḷantud in sia bo daunnea in nobambar.

MATIUS 9:9

Naonda in ki Yesus minayá nongkon tua, Sia nokoontong kon tobatú intau tangoinea in ki Matius inta iḻimitú mako kon kantor in pajak. Ki Yesus in noguman kon inia, “Duduidon kon i-Nakó.” Dá ki Matius in sinimindog doman bo dinumudui.