EZRA 4:19 - Alkitab Singog In Mongondow Masa In Tanaa

¹⁹ Bo pinodudui in parentaku dá sinarididon, bo totuu kon pinangkoipabí kon tungkuḷ intua in Yerusalem umuranbí moḷawang kon kawasa in datu mita bo nobayong in kon sigad in intaunea mita in momomarontak bo mogogaid kon dowawá.

EZRA 4:19 ပူးပေါင်းရင်းမြစ်များ

DATU MITA 2 18:7

Tuamai in ki Tuhan umuran motuḷung kon inia dá bayongan inta ḷongasionnea in nodaitbí kodapotan. Sia in nomarontak kon i datu in Asyur, bo doíbí tumungkud kon inia.

DATU MITA 2 24:20

Ki Tuhan in sinumorú totok kon intau mita in Yerusalem bo intau in Yohuda dá diádon inindoian-Neamai in mosia.

EZRA 4:15

sinbá ki Tuang mokitayak in surat mita in mogoguyang mita i Tuang. Nongkon tombonunea kotaauandon i Tuang kon kotá in Yerusalem moibogbí momarontak bo nongkon koḻipodpabí umuran mokoporugimai kon datu mita bo pongawasa in propinsi. Intaunea mita in umuranbí mororiga tongganutan. Tuamai in kotá tatua in irimumudon.

EZRA 4:18

Surat inta pinoki dia i utat mita in binacadon kon tayowonku pinongin singog nami.

EZRA 4:20

Nokoimontan doman in datu mita inta motorindog nomarenta kon tua bo nongawasa kon sinangkup in propinsi Eprat Toyopan bo noigum kon pajak bo iba.

EZRA 5:17

Aka ogoi i Tuang, kami in mopoigum sinbá monaridi kon bonu in surat mita in dodatuan in Babel. Dá kotaauandon mongo totuu kon oyúon degá in parenta i Datu Kores moposindog bui in Baḷoi Tuhan kon Yerusalem tanaa. Onda intua kami mopoigum in habar kon soaḷ bontow in singog i Tuang kon soaḷ in pelekara tatua.”

AMSAL 25:2

Ki Allah pinoḷantud popisí in onu inta iharasia-Nea; datu in ihoromat popisí in onu in motaau ininsilangannea.

ULANGAN 13:14

Aka kodongogandon in ouman mita natua, yo taridiai kopira. Aka aid moraat tatua totu-totuudon nobaḻí,