EZRA 4:15 - Alkitab Singog In Mongondow Masa In Tanaa

¹⁵ sinbá ki Tuang mokitayak in surat mita in mogoguyang mita i Tuang. Nongkon tombonunea kotaauandon i Tuang kon kotá in Yerusalem moibogbí momarontak bo nongkon koḻipodpabí umuran mokoporugimai kon datu mita bo pongawasa in propinsi. Intaunea mita in umuranbí mororiga tongganutan. Tuamai in kotá tatua in irimumudon.

EZRA 4:15 ပူးပေါင်းရင်းမြစ်များ

DATU MITA 2 24:20

Ki Tuhan in sinumorú totok kon intau mita in Yerusalem bo intau in Yohuda dá diádon inindoian-Neamai in mosia.

DATU MITA 2 25:4

dinding in kotá dinangatandon in musung. Doḷom tua, umpaka intau in Babel koyogot mongopung kon kotá tatua, bayongan in tontara in Yohuda noḷagui nopobayá in Ḷopá in Yordan. Mosia in nongin taman in komaḻig, bo iḻumuai nongin bonawang inta nopoyoguput in dinding doyowa tatua.

EZRA 4:12

Poigumon mako komangaḻean i Tuang, kon intau in Yahudi inta ain nonaḷámai kon butá mita ibanea kon bonu in dodatuan i Tuang, tanaa in nogutundon notantú kon Yerusalem bo koyogot in noposindog bui in kotá inta moraat bo moibog momarontak tua. Mosia in nomangkoidon noposindog bui in dindingnea mita bo diádon moonggot bo moḷapat in oaidan tatua.

EZRA 4:14

Kami in koboḻidon kon kopopia in gina i Tuang bo doíbí in mokoontong kon i Tuang porugionmai. Tuamai poigumon nami,

EZRA 4:16

Dá, moyakinbí in kami, kon aka kotá tatua posindogon bui bo dindingnea mita in posindogondon, dá ki Tuang in diá bidon bui mokokawasa kon propinsi in Eprat in Toyopan tanaa.”

NEHEMIA 2:19

Naonda in tomayá nami tatua kinotaauan i Sanbalat, i Tobia bo i Gesyem, intau in Arab, kinosingan bo siningkuḻe monia in kami. Guman monia, “Onu in aidan monimu? Degá momarontak in moiko kon i datu?”

NEHEMIA 6:6

inta nanaa in pinais: “Ki Gesyem in nongakubí kon oyúonbí in unsingog mita in bangusa mita kon diugmai naa, inta noguman kon ki utat bo bayongan in intau in Yahudi in monomayá kon momarontak, dá tuamai in ki utat monompia kon dinding in kotá. Sia in noguman doman kon ki utat in dumuídon datu in Yohuda,

ESTER 2:23

Pelekara tatua in sinarididon, dá noniata magí kon totuubí intua. Intau doyowa tatua ihukum ginantong. Podudui in parenta i datu, onu inta nobaḻí tatua pinais kon bonu in buk ouman in dodatuan.