EZRA 4:13 - Alkitab Singog In Mongondow Masa In Tanaa

¹³ Aka kotá tatua bo koposindogan bui bo dindingnea mita in moḷapatdon posindogon, yo intau mita inta nogutun kon tua in doí bidon moguboḻi kon pajak, bo doit tumuot kon dodatuan in mogaatdon.

EZRA 4:13 ပူးပေါင်းရင်းမြစ်များ

EZRA 4:14

Kami in koboḻidon kon kopopia in gina i Tuang bo doíbí in mokoontong kon i Tuang porugionmai. Tuamai poigumon nami,

EZRA 4:20

Nokoimontan doman in datu mita inta motorindog nomarenta kon tua bo nongawasa kon sinangkup in propinsi Eprat Toyopan bo noigum kon pajak bo iba.

EZRA 7:24

Moiko in diábí motaau in moigum kon pajak nongkon imang mita, intau in Lewi, mododondong, moḷoḷukad kon bonawang, mogogaid, andeka ki inekabí inta oyúon in oaidannea kon Baḷoi Tuhan.

NEHEMIA 5:4

Bo oyúon doman in moguman, “Kami in noḷuandon kon doit sin poguboḻi kon pajak inta ain sinantú i datu kon pajak in gobá in tudunea bo gobá in anggur nami.

MAZMUR 119:69

Intau moḷoḷatú noningkuḻe kon inakó, táe noḻimbatúbí in ginaku in sinumoḷutui kon atorang-Mu.

MAZMUR 52:2

kon tungkuḷ in ki Doëg, intau in Edom, namangoi nopotaau kon i Saul kon ki Daud in noiyaputdon in baḷoi i Abimelek.

MATIUS 17:25

Ki Petrus in notubag, “Uboḻianbí.” Bo naonda in ki Petrus sinumuot kon baḷoi, ki Yesus in muna noḻibó kon inia, “Aka podudui in raianmu yo naonda, Simon? Ki ine in musti moguboḻi kon bea andeka pajak kon datu mita in dunia naa? Intau kon ḻipú tatua andeka intau mokokiangoi?”

MATIUS 9:9

Naonda in ki Yesus minayá nongkon tua, Sia nokoontong kon tobatú intau tangoinea in ki Matius inta iḻimitú mako kon kantor in pajak. Ki Yesus in noguman kon inia, “Duduidon kon i-Nakó.” Dá ki Matius in sinimindog doman bo dinumudui.