EZRA 3:4 - Alkitab Singog In Mongondow Masa In Tanaa

⁴ Mosia in norame doman kon Singgai Moḷoben in Pondok Daun, podudui in atorang; bo pomuḷoi in singgai moposumba in kuruban inta ain sinantú kon singgai tatua.

EZRA 3:4 ပူးပေါင်းရင်းမြစ်များ

TAWARIKH 1 16:37

Onda intua ki Datu Daud nonantúdon kon i Asap bo intau mita in Lewi ibanea kon umuran monompia kon soaḷ mita inta noyotogot in ibada kon tampat inta pinotagúan kon Poti Dodandian i Tuhan. Muḷoi in singgai mosia in mustibí mopobayá in oaidan monia kon tua,

TAWARIKH 2 31:16

Bayongan in ḷoḷaki inta umurdon toḷu nopuḷú notaong bo namonik, inta nokouḻí kon silai mopobayá in oaidan pomuḷoi in singgai kon Baḷoi Tuhan, in inogoian doman in silainea kon batúannea podudui in oaidannea bo podudui in paanannea.

IḶUAIAN 23:16

Aidai domandon in Pesta Posipunan kon Boyó kon dodai in moiko momangkoidon monoinut kon bungai in boyó dungkuḷ kon gobámu. Aidai doman in Pesta Pondok Daun kon buit in taong kon dodai in moiko mosipun kon boyó in anggur bo ayop mita.

IḶUAIAN 29:38

“Pomuḷoi in singgai iko musti umuran mopokuruban kon tudu in mezbah tatua domba doyowa inta umur totaong.

IḶUAIAN 5:13

Moḷoḷukad kon pogaidan mita umuran mondodak sinbá pomuḷoi in singgai mosia mokoaid doman kon tela inta notongkai in kobayongnea ná kon tungkuḷ in mosia inogoian in wawa.

IMAMAT 23:33

Poramean kon Singgai Moḷoben Pondok Daun pangkoion kon singgai impuḷú bo ḻima buḷan noginpitu bo pitu nosinggai in koonggotnea.

PINOGIAPAN 29:39

Tuata in atorang mita kon kuruban payongon, kuruban oḷudon, kuruban tubig in anggur, bo kuruban pondamean inta musti posumba monimu kon i Tuhan kon porayaanmu mita inta ain sinantú. Kuruban mita tatua in nobaḻí indugang kon kuruban mita inta posumba monimu sin moguboḻi kon dandi andeka kuruban ibog tontaní.

YOHANES 7:2

Dodai intua diádon moonggot bo porayaan kon Singgai Moḷoben in Pondok Daun.

YOHANES 7:37

Kon singgai pangabisan nongkon porayaan tatua, tuata in singgai inta totok moponting kon porayaan tatua, ki Yesus in sinimindog kon bonu in Baḷoi Tuhan bo nosingog noropot; “Intau inta moyogang angoidon kon i-Nakó bo nonginum.