EZRA 3:13 - Alkitab Singog In Mongondow Masa In Tanaa

¹³ dá diádon motaau poyoposion in goḷokap ḷunganga in gina bo ombaḷ. Moḷangon totok in singognea, dá kodongogan modapot in moyayú.

EZRA 3:13 ပူးပေါင်းရင်းမြစ်များ

DATU MITA IMITÁNEA 1:40

Noiduduimai kon tua mosia komintan nonakin kon inia nobui sindaḷan norogiow bo nogirup kon bansí, nodapot in butá naonda bo mobotak sin rame tatua.

DATU MITA IMITÁNEA 1:45

bo ki Zadok takin ki Natan ain noduí kon inia kon bokaká in tubig in Gihon. Tanaa mosia in nobuidon kon kotá sindaḷan morogiow morame, bo bayongan in kotá modoḻiok. Tuata in rame inta dinongog monimu koina.

EZRA 3:12

Nobayong in kon sigad in imang mita, intau mita in Lewi bo tongguḷu mita in inanakan inta ain nogoguyang in nokoimontandon nokoontong kon Baḷoi Tuhan inta muna. Naonda in mosia nokoontong kon pinogukatan kon pondasi in Baḷoi Tuhan tanaa, nongombaḷdon totok in mosia. Táe intau mita ibanea inta kon tua in nonggoḷokap sin noḷunganga in gina,

EZRA 4:1

Habar kon intau mita inta nobui nongkon pinoḷumbúan tatua in koyogotdon moposindog in Baḷoi Tuhan, Allah in Israel, kinodongogandon in musung in intau in Yohuda bo in Benyamin.

NEHEMIA 12:43

Kon singgai tatua nobayong in kuruban inta pinosumba kon i Tuhan. Rayat noḷunganga in gina sin binaḻídon i Allah in mosia nopia in gina. Bobay mita bo mongo adí mita in sinumakin doman norame, bo singog monia inta moḷunganga tua in kinodongogan noidapot in moyayú.

MAZMUR 5:11

Hukumdon in mosia, o Allah, pomayádon mako in mosia mobodito popisí in tomayánea tontaní. Untundon in mosia sin nobayongdon in dosa monia, sin mosia in nomarontakdon kon ini-Mu.

YEREMIA 33:11

Táe kon tampat mita tatua in kodongoganbí bui in singog ḷunganga bo pia in gina takin dowawá in ponikaan. Kodongoganbí doman in dondong in intau mita inta nodia kon kuruban sukur kon Baḷoi-Ku. Mosia in mogumanbí, ‘Posukurdon kon i Tuhan Inta Totok in mokawasa, sin mopia in Sia bo tabi-Nea in mononoi.’ Butá tanaa in baḻíon-Kubí mobiag motompia ná dungkuḷ. Akuoi, ki Tuhan, ain noguman.”

YEREMIA 50:4

Ki Tuhan in noguman, “Kon tungkuḷ intua intau in Israel bo Yohuda in mamangoi bo moyotakin mongombaḷ, motayak kon i-Nakó, ki Allah monia.

ZAKHARIA 4:7

Ḷonggai nákabí koḷoben in buḷud yo moigambatbí nongkon tayowonmu. Iko in buibí moposindog in Baḷoi-Ku, bo kon dodai in iko mogukat kon batu dungkuḷ kon tampatnea, intau mita in momaḷúdon, ‘Totuu mopia ah!’ ”

HAKIM MITA 2:5

Manangka intua tampat tatua in sinangoian Bokhim. Bo kon tampat tatua intau mita in Israel noposumba in kuruban kon i Tuhan.

SAMUEL 1 4:5

Naonda in Poti Dodandian tatua nodapot kon pinononḷoḷaigan, norogiowdon noropot in intau in Israel, nodapot in nodandú in butá.