EZRA 2:70 - Alkitab Singog In Mongondow Masa In Tanaa

⁷⁰ Imang mita, intau mita in Lewi bo tongosilai nongkon rayat in nogutun notantú kon Yerusalem bo kon kotá mita inta kon diugnea. Mododondong, moḷoḷukad kon ngara in Baḷoi Tuhan bo mogogaid mita kon Baḷoi Tuhan bo intau mita in Israel ki agatnea in nogutun kon kotá mita inta pinogutunan in mogoguyang monia koḻipod.

EZRA 2:70 ပူးပေါင်းရင်းမြစ်များ

DATU MITA 2 7:10

Tuamai in nobuidon in mosia kon Samaria bo nomaḷú kon moḷoḷukad kon bonawang in kotá, “Minayádon in kami kon pinononḷoḷaigan in intau in Siria, bo noniata magí diá bidon in intau in kon tua. Kabaḷo bo keledai monia kinobayáanmai nami in noitogotpabí mako kon pototogotannea, bo ḷoḷaigan mita in tongádon sinaḷáan mako natua.”

TAWARIKH 1 11:2

Nongkon koḻipodpabímai, sedang bo kon dodaipabí in ki Saul nomarentapa kon inami, ki Tuang Datubí in nobaḻí itoi in tontara in Israel pomuḷoi in mayá moparang. Apa doman ki Tuhan Allah i Tuang Datu in nodandidon kon ki Tuang Datubí in mobaḻí itoi in umat-Nea bo mobaḻí datu monia.”

TAWARIKH 1 9:2

Nongkon sigad monia inta muna-munamai nobui kon butá monia kon kotá mita in intau biasa, imang mita, intau in Lewi bo inta mogogaid mita kon Baḷoi Tuhan.

EZRA 2:1

Nobayong in kon sigad in intau mita inta kon pinoḷumbúan in nonaḷámai kon butá in Babel bo nobui minayá in Yerusalem bo Yohuda, kon batúannea nobui kon kotánea-kotánea. Mosia in nobiagdon kon pinoḷumbúan kon Babel pinangkoipamai mosia inakut kon tua i Datu Nebukadnezar.

NEHEMIA 7:73

Imang mita, intau mita in Lewi, moḷoḷukad mita kon ngara in Baḷoi Tuhan, mododondong, nobayong in nongkon rayat biasa, mogogaid mita kon bonu in Baḷoi Tuhan, impoḷok mako in singog bayongan in rayat in Israel, nogutun notantú kon kotá mita bo ḻipú mita in Yohuda.