EZRA 2:61 - Alkitab Singog In Mongondow Masa In Tanaa

^61-62 Tongonumai in inanakan motoḷuadí in imang in diá doman mokouḻí kon tangoi mita in mogoguyang monia, tuata in inanakan i Habaya, i Hakos bo i Barzilai. (Mogoguyang in inanakan i Barzilai notonibuḷoi takin in bobay tobatú buí in inanakan i Barzilai kon Gilead, bo noiduduimai kon tua nomaké in sia in tangoi in motoḷuadí i nunutonnea.) Popisí in mosia diá nokoponiata kon ki ine in mogoguyang monia, dá mosia in diá sinarima nobaḻí imang.

EZRA 2:61 ပူးပေါင်းရင်းမြစ်များ

SAMUEL 2 17:27

Naonda in ki Daud noidapot kon Mahanaim, sinontomu in sia i Sobi adí i Nahas nongkon kotá in Raba kon Amon, bo i Makhir adí i Amiel nongkon Lodebar, bo i Barzilai nongkon Rogelim kon Gilead.

DATU MITA IMITÁNEA 2:7

Táe aka kon i adí mita ḷoḷaki i Barzilai nongkon Gilead kopia kaasí kon i monia. Musti ogoianmu in onu inta pakéon monia muḷoi in singgai, sin mosia in nopoaidon inta mopia kon inakó kon tungkuḷ in akuoi noḷagui kon i guya-guyangmu, ki Absalom.