EZRA 2:43 - Alkitab Singog In Mongondow Masa In Tanaa

^43-54 Naa in tangoi in bui in motoḷuadí in intau mita inta mogogaid kon Baḷoi Tuhan inta nobui nongkon pinoḷumbúan: Ki Ziha, ki Hazupa, ki Tabaot, Ki Keros, ki Siaha, ki Padon, Ki Lebana, ki Hagaba, ki Akub, Ki Hagab, ki Samlai, ki Hanan, Ki Gidel, ki Gahar, ki Reaya, Ki Rezin, ki Nekoda, ki Gazam, Ki Uza, ki Paseah, ki Besai, Ki Asna, ki Meunim, ki Nepusim, Ki Bakbuk, ki Hakupa, ki Harhur, Ki Bazlut, ki Mehida, ki Harsa, Ki Barkos, ki Sisera, ki Temah, Ki Neziah bo ki Hatipa.

EZRA 2:43 ပူးပေါင်းရင်းမြစ်များ

TAWARIKH 1 9:2

Nongkon sigad monia inta muna-munamai nobui kon butá monia kon kotá mita in intau biasa, imang mita, intau in Lewi bo inta mogogaid mita kon Baḷoi Tuhan.

EZRA 2:58

Inanakan motoḷuadí in intau inta mogogaid kon Baḷoi Tuhan bo mobobantung mita i Salomo inta nobui nongkon pinoḷumbúan kobayongnea in 392 in intau.

EZRA 8:17

Onda intua pinotabáku in mosia minayá kon i Ido, tongguḷu in intau mita kon Kasipya, takin oigum sinbá ki Ido bo topotakinnea inta mogogaid kon Baḷoi Tuhan, in mopotabádon mangoi kon inami in intau mita inta mogundoi kon Baḷoi Tuhan.

EZRA 8:20

Koḻikud intua oyúon doman in 220 in intau inta mogogundoi kon Baḷoi Tuhan inta kinopaisandon in tangoi monia. Mogoguyang monia pinangkoi nongkon koḻipod in sinantúdon i Datu Daud bo intau mita moḷoben kon dodatuan sin mobantung kon intau in Lewi.

NEHEMIA 10:28

Kami, rayat in Israel, imang mita intau mita in Lewi, moḷoḷukad mita kon ngara in Baḷoi Tuhan, mogogogitog in musik bo mogogaid mita kon bonu in Baḷoi Tuhan, bo buḷoi adí nami inta tugatdon in umur bo momangaḻédon bo intau mita inta motoindudui kon hukum i Allah bo inta ain sinumondí kon intau ango-angoi inta nogutun kon butá nami.

NEHEMIA 11:21

Mogogaid mita kon bonu in Baḷoi Tuhan in nogutun kon kotá in Yerusalem inta Opel in tangoinea. Mosia in nogaid kon bonu in tongganut i Ziha bo Gispa.

NEHEMIA 11:3

Kon kotá mita ibanea, rayat in Israel, imang mita intau mita in Lewi, mogogaid mita kon bonu in Baḷoi Tuhan, bo buí in bobantung mita i Salomo in nogutun kon butá kapunyaan monia bo kon kotá mita monia.

PINOGIAPAN 3:9

Nongkon bangusa Israel tatua, tongábí suku i Lewi in pokiaidan-Ku in oaidan tatua sin mobantung kon i Harun bo buínea.