EZRA 2:2 - Alkitab Singog In Mongondow Masa In Tanaa

² Itoi mita monia in ki Zerubabel, ki Yesua, ki Nehemia, ki Seraya, ki Reelaya, ki Mordekhai, ki Bilsan, ki Mispar, ki Bigwai, ki Rehum bo ki Baana. Naa in tangoi mita in motoḷuadí in Israel, takin kobayong in intau nongkon batúan in inanakan inta nobui nongkon pinoḷumbúan:

EZRA 2:2 ပူးပေါင်းရင်းမြစ်များ

EZRA 1:11

Tua komintan kobayongnea in 5.400 in mangko buḷawan bo saḷaka takin pakakat mita ibanea. Bayongan tua in dinia i Sesbazar kon tungkuḷ in sia takin intau mita inta iḷumbú ibanea nobuat nongkon Babel minayá in Yerusalem.

EZRA 1:8

Ki Kores in nokitoinut in pakakat mita tatua kon i Mitredat, tongguḷu in intau inta kitogi totaau in pakakat mita in dodatuan. Noiduduimai kon tua ki Mitredat nomais kon pakakat mita tatua bo pinoki ogoi kon i Sesbazar, gubernur in Yohuda.

EZRA 2:1

Nobayong in kon sigad in intau mita inta kon pinoḷumbúan in nonaḷámai kon butá in Babel bo nobui minayá in Yerusalem bo Yohuda, kon batúannea nobui kon kotánea-kotánea. Mosia in nobiagdon kon pinoḷumbúan kon Babel pinangkoipamai mosia inakut kon tua i Datu Nebukadnezar.

EZRA 2:3

Inanakan i Paros – 2.172 i Sepaca – 372 i Arah – 775 i Pahat-Moab (buí i Yesua bo i Yoab) – 2.812 i Elam – 1.254 i Zatu – 945 i Zakai – 760 i Bani – 642 i Bebai – 623 i Azgad – 1.222 i Adonikam – 666 i Bigwai – 2.056 i Adin – 454 i Ater (dinonoi doman ki Hizkia) – 98 i Bezai – 323 i Yora – 112 i Hasum – 223 i Gibar – 95

EZRA 3:2

bo ki Yesua ki adí i Yozadak takin totakinnea imang mita bo ki Zerubabel ki adí i Sealtiel takin ginaḷumnea, noposindog bui in mezbah i Allah in Israel. Dá notaaudon in mosia motubá kon kuruban kon tudunea, podudui ná inta topotundú mita inta pinais kon bonu in hukum i Musa, mogogundoi i Allah.

EZRA 4:3

Táe ki Zerubabel, ki Yesua bo tongguḷu mita in inanakan tatua in notubag, “Kami in diápabí moparaḷu kon totuḷung i utat mita in moposindog in baḷoi kon i Tuhan Allah nami. Kami in moposindogbí tontaní podudui in parenta i Kores, datu in Persia, kon inami.”

EZRA 4:8

Ki Artahsasta in notarima doman kon surat soaḷ Yerusalem. Surat tatua in pinoki dia mangoi i Gubernur Rehum bo i Simsai momomais in propinsi bo binantungan doman in topotakin mita monia, tuata in hakim mita bo bayongan in intau moḷoben kon Persia ibanea inta nongkon Erekh, Babel, bo Sudan kon butá in Elam,

EZRA 5:2

Nokodongogmai kon koyow in nabi doyowa tatua, ki Zerubabel ki adí i Sealtiel bo ki Yesua ki adí i Yozadak ḷagidon nomangkoi bui noposindog in Baḷoi Tuhan kon Yerusalem, binantungan in nabi doyowa tatua.

EZRA 8:1

Naa in tangoi in tongguḷu mita in inanakan inta iḷumbú kon Babel bo nobui noyotakinku, ki Ezra, minayá in Yerusalem kon dodai in ki Artahsasta nomarenta nobaḻí datu:

NEHEMIA 12:47

Kon tungkuḷ i Zerubabel bo kon tungkuḷ doman i Nehemia, bayongan in rayat Israel in nobogoi in sosumba sin pobantung pakéon muḷoi in singgai in mododondong mita bo moḷoḷukad mita kon ngara in Baḷoi Tuhan. Rayat in mobogoi in sosumba inta sinantú kon intau mita in Lewi bo intau mita in Lewi in mobogoi doman kon imang mita in tonsilai inta ain sinantú.

NEHEMIA 7:7

Itoi mita monia in ki Zerubabel, ki Yesua, ki Nehemia, ki Azarya, ki Raamya, ki Nahamani, ki Mordekhai, ki Bilsan, ki Misperet, ki Bigwai, ki Nehum bo ki Baana.

HAGAI 1:1

Kon taong induanea kon pinomarentaan i Datu Darius kon Persia, kon singgai imitánea kon buḷan noginggonom, ki Tuhan in nosingog pinongin i Nabi Hagai. Koyow i Tuhan tatua inogoi kon i Zerubabel ki adí i Sealtiel, gubernur in Yohuda, bo kon i Imang moḷoben Ki Yosua ki adí i Yozadak.

HAGAI 1:12

Onda intua ki Zerubabel bo ki Yosua takin bayongan umat in Israel inta ain nobui kon pinoḷumbúan kon Babel, in dinumudui kon tosingogon mita i Hagai, totabá i Tuhan tua. Mosia in nogaid kon onu inta pinarenta i Tuhan kon i monia, popisí in moondok kon i Tuhan.

HAGAI 1:14

Natuata in aid i Tuhan nobogoi in ibog kon i Gubernur Zerubabel, kon i Imang Moḷoben ki Yosua takin bayongan in intau inta ain nobui nongkon pinoḷumbúan, sinbá mosia komintan in mogaid moposindog bui in Baḷoi i Tuhan Inta Totok in mokawasa, ki Allah monia.

HAGAI 2:2

Ki Tuhan in nopotabá kon i Hagai noyosingog i Gubernur Zerubabel, i Imang Moḷoben ki Yosua, takin rayat sin mopotaau in koyow tanaa,

HAGAI 2:21

sin potaau kon i Gubernur Zerubabel. Guman i Tuhan, “Diádon moonggot ḷangit bo butá in guguron-Ku,

HAGAI 2:4

Tongá, donaaidon moinggamá in kamang, ei moiko komintan! Ingguputaidon in oaidan tatua, sin Akuoi in umuranbí motuḷung kon i monimu.

ZAKHARIA 3:1

Kon oontongon ibanea doman, ki Tuhan in nopoontong kon inakó in Imang Moḷoben ki Yosua inta simindog mako kon tayowon in malaekat i Tuhan. Kon diugmai i Yosua sinimindog mako in Ibilis inta nosadiadon moponapud kon inia.

ZAKHARIA 3:3

Ki Yosua in sinimindog kon tua nogiḷambung in ḷambung inta totok in nokotor.