EZRA 2:1 - Alkitab Singog In Mongondow Masa In Tanaa

¹ Nobayong in kon sigad in intau mita inta kon pinoḷumbúan in nonaḷámai kon butá in Babel bo nobui minayá in Yerusalem bo Yohuda, kon batúannea nobui kon kotánea-kotánea. Mosia in nobiagdon kon pinoḷumbúan kon Babel pinangkoipamai mosia inakut kon tua i Datu Nebukadnezar.

EZRA 2:1 ပူးပေါင်းရင်းမြစ်များ

DATU MITA 2 25:11

Onda intua bayongan in rayat inta kon kotá, intau mita inta mongopandoi mogaid inta kon tuapa, intau mita inta nobiag nobogá bo intau mita inta ain noḷagui namangoi kon intau in Babel, tua komintan in diniadon i Nebuzaradan.

TAWARIKH 1 9:1

Bayongan intau in Israel in pinais pinodudui kon batúan in motoḷuadínea. Daptar tatua in pinais kon bonu in buk Datu mita in Israel. Nobaḻí hukuman popisí in mosia nomia kon dosa, dá rayat in Yohuda in dinia kon pinoḷumbúan.

TAWARIKH 1 9:2

Nongkon sigad monia inta muna-munamai nobui kon butá monia kon kotá mita in intau biasa, imang mita, intau in Lewi bo inta mogogaid mita kon Baḷoi Tuhan.

EZRA 1:11

Tua komintan kobayongnea in 5.400 in mangko buḷawan bo saḷaka takin pakakat mita ibanea. Bayongan tua in dinia i Sesbazar kon tungkuḷ in sia takin intau mita inta iḷumbú ibanea nobuat nongkon Babel minayá in Yerusalem.

EZRA 2:2

Itoi mita monia in ki Zerubabel, ki Yesua, ki Nehemia, ki Seraya, ki Reelaya, ki Mordekhai, ki Bilsan, ki Mispar, ki Bigwai, ki Rehum bo ki Baana. Naa in tangoi mita in motoḷuadí in Israel, takin kobayong in intau nongkon batúan in inanakan inta nobui nongkon pinoḷumbúan:

EZRA 2:70

Imang mita, intau mita in Lewi bo tongosilai nongkon rayat in nogutun notantú kon Yerusalem bo kon kotá mita inta kon diugnea. Mododondong, moḷoḷukad kon ngara in Baḷoi Tuhan bo mogogaid mita kon Baḷoi Tuhan bo intau mita in Israel ki agatnea in nogutun kon kotá mita inta pinogutunan in mogoguyang monia koḻipod.

EZRA 5:8

Poigumon mako komangaḻean i Tuang, kon kami in minayádon kon propinsi in Yohuda bo nokoontong kon Baḷoi Tuhan, Allah Inta Moḷoben, in koyogotdon posindogon bui nomaké in batu mita moḷoben bo dindingnea mita inta inaipan in kayu. Oaidan tatua inaidan takin notaridi totok bo minayá notompia.

EZRA 6:2

Táe pinomaisan kon tua in deemanbí nouḻí kon Babel, táe kon kotábí in Ahmeta kon butá in Media. Pais tatua in pinais kon tobatú ḻitodan bo nanaa in singognea,

EZRA 8:35

Kon singgai tatua doman, bayongan intau inta ain nobui nongkon pinoḷumbúan tatua, noposumba in kuruban payongon kon i Allah in Israel. Mosia in noposumba in 12 in sapi koḷakian kon kopontingan in bayongan in Israel, 96 in domba koḷakian bo 77 in ki adí in domba; koḻikud intua 12 in bembé sin pokuruban kon pongampungan kon dosa kon i monia tontaní. Bayongan in biag tatua sinubá nobaḻí kuruban kon i Tuhan.

NEHEMIA 12:1

Naa in tangoi mita in imang mita bo intau mita in Lewi inta nobui nongkon pinoḷumbúan noyotakin i Zerubabel ki adí i Sealtiel bo i Imang Moḷoben ki Yesua:

ESTER 1:1

Kon Susan, ibukotá in Persia, ki Ahasyweros in nomarenta saḷaku datu. Dodatuan nea in 127 nopropinsi, pinangkoi kon India nodapot kon Sudan.

ESTER 1:11

Pinotabánea in mosia modia mangoi kon i Bokí Wasti poḷat mogisapoyo in sapoyo in dodatuan. Ki bokí tatua in moḷunat totok, bo moibog in ki datu mopoontong in koḷunatnea kon intau mita moḷoben bo bayongan in mokokiangoinea.

ESTER 1:3

Kon taong intoḷunea kon pinomarentaannea, ki Datu Ahasyweros nomia kon rame moḷoben kon bayongan in intau moḷoben bo pogawainea. Tongguḷu mita totokan in tontara in Persia bo Media in namangoi doman kon rame tatua, natua doman in gubernur mita bo intau mita moḷoben kon propinsi.

ESTER 1:8

Mokokiangoi mita in diábí tombobotan in anggurnea andeka pakisaan monginum. Ki datu in nomarenta bidon kon bobantung in komaḻig, sinbá pomuḷoi in tamu bantungan podudui in koibog monia kon batúan.

ESTER 8:9

Kon singgaipa doman tatua, inta kon singgai in doyowa nopuḷú bo toḷúnea, buḷan intoḷunea, buḷan Siwan, ki Mordekhai in nogoiní kon momais mita i datu bo nomarenta kon i monia nomais kon surat mita kon gubernur mita, kon bupati mita bo kon intau mita moḷoben inta kon 127 in propinsi, pinangkoi kon India noidapot in Sudan. Surat mita tatua in pinais kon bonu in singog bo pais in batúan propinsi mita tatua. Sia in nokidia doman in surat kon intau mita in Yahudi inta pinais kon bonu in singog bo pais in Yahudi.

YESAYA 48:20

Bayádon bo poḷaguidon nongkon Babel, Potaaudon magí-mako in habar tanaa. Potaaudon takin yogiow sanang in gina: “Ki Tuhan in noposaḷamatdon kon Israel, mogogundoi-Nea!

YEREMIA 50:19

Popobui-Kubí in intau in Israel mayá in butá monia. Mosia in mokaanbí kon bungai in pinomuḷa kon Buḷud in Karmel bo butá in Basan. Mosia in botuganbí in bungai in pinomuḷa kon butá in Epraim bo Gilead.

OMBAḶ 1:3

Intau mita in Yohuda in nonaḷámaidon kon butánea, popisí in sinonggata bo totokdon in mororiga. Tanaa in mosia in nogutundon kon yua-yuak in bangusa mita takin diá in tampat inta mobogoi in kobiagan motompia. Musung mongopung kon i monia kon dodai in mosia nororiga.

OMBAḶ 1:5

Musungnea mita in yumunggagá popisí in nokokawasa kon inia. Binaḻí i Tuhan in sia nororiga, popisí in mobayong totok in dosanea. Intaunea mita in sinokodakopdon, bo inakut pinobayá in pinoḷumbúan.

OMBAḶ 4:22

Sion in notarimadon kon hukumannea popisí in dosa mita inta ain pinomianea; tanaa in kami in diá bidon pomayá mako i Tuhan bo diá bidon diaan pobayá in poḷumbúan. Táe iko, ei Edom, in hukumonbí i Tuhan. Dosamu mita in poontongbí.

ZEPANYA 2:7

Intau in Yohuda inta mokoḷagui, in mogutunbí kon butámu tatua. Mosia in momiagbí kon bobiagon kon butá tatua, bo kon dodai in doḷom mosia in mosiugbí kon baḷoi mita in intau in Askelon. Sin ki Tuhan, Allah monia in moḷukadbí bui kon i monia bo mopobaḻí bui kon i monia motomoman.

OUMAN IN RASUL MITA 23:34

Bo nopaḷut mako nobaca kon surat tatua in ki Gubernur, sia in noḻibó kon i Paulus mongo nongkon propinsi taonda in sia. Naonda in kinotaauanneadon kon ki Paulus in nongkon Kilikia,