EZRA 10:8 - Alkitab Singog In Mongondow Masa In Tanaa

⁸ Ki ine in diá mamangoi kon bonu in toḷu nosinggai, daiton gamáan in bayongan kapunyaannea bo sia in diá bidon inanggap agat in intau in Israel. Parenta tatua in sinekeng in itoi mita in rayat.

EZRA 10:8 ပူးပေါင်းရင်းမြစ်များ

EZRA 10:7

Onda intua pinotaau-taaudon mako in tobatú parenta kon sinangkup in Yerusalem bo Yohuda kon bayongan in intau inta ain nobui nongkon pinoḷumbúan, sinbá moyosipun kon Yerusalem.

EZRA 10:9

Naonda in toḷudon nosinggai, kon singgai in doyowa nopuḷú buḷan in siownea, bayongan intau ḷoḷaki inta nogutun kon butá in Yohuda bo Benyamin in namangoi in Yerusalem bo noyosipun kon bosí in Baḷoi Tuhan. Kon dodai intua nonguyan norogot totok. Bayongan in intau nongourotdon popisí in motumping totok bo popisí doman in moponting totok in pinoyodungkuḷan tatua.

EZRA 7:26

Pomuḷoi in intau inta doí dumudui kon Hukum mita i Allah i Utat, andeka hukum mita in dodatuan, mustibí ḷagi hukumon matoi andeka ḷumbúon, andeka gamáan in kapunyaannea, andeka bonuon kon ponjara.”

NEHEMIA 13:28

Ki Yoyada in ki adí i Imang Moḷoben ki Elyasib, táe tobatú kon sigad i adí i Yoyada in nobaḻí mototaka i Sanbalat nongkon kotá in Bet-Horon. Tuamai ki Yoyada pinoguntunku nongkon Yerusalem.

NEHEMIA 13:3

Naonda in kinodongogan in bangusa Israel intua, sinondídon monia in bayongan in intau ango-angoi nongkon intau mita in Israel.

IMAMAT 27:28

Diá tobatúmai in motaau mopotaḷui ande motobut kon onu inta ain sinondínea takin diá in sarat kon i Tuhan, pinomayá tua intau, mahaḷuk ande butá. Tua in nobaḻídon kapunyaan i Tuhan mononoi.

MATIUS 18:17

Aka sia bo doípa doman mokidongog kon tonggina monia tatua, yo poyaputdon intua komintan kon jamaat. Bo anggapdon in sia naonda bo intau inta diá nonotaau kon i Allah andeka naonda bo intau inta mononagi kon pajak.”

YOHANES 16:2

Moiko in poḷuaionbí nongkon baḷoi mita in pososambayangan. Bo moiangoibí in wakutunea kon intau inta moḻimod kon i monimu in mosangka kon sia tua in dinumuduibí kon parenta i Allah.

YOHANES 9:22

Guyanganea in noguman natua sin moondok in mosia kon itoi mita in Yahudi; sin mosia ain noyopakat kon intau inta mongaku kon ki Yesus tua in Datu Mopoposaḷamat, diádon motaau in tumuot kon baḷoi pososambayangan.

YOHANES 9:34

Dá tubag monia kon inia, “Onu? Iko inta nopuḻing in dosa nongkon noilahirpamai, iko in moibog motundú kon inami?” Dá mulaidon singgai tuata sia in diádon inogoi monia sinumuot kon baḷoi pososambayangan.

YOSUA 6:19

Bayongan in pakakat saḷaka, buḷawan, tambaga bo uatoi musti ogoi kon i Tuhan, bo musti tagúon kon bonu in tampat pototagúan kon kapunyaan i Tuhan.”

HAKIM MITA 21:5

Onda intua mosia nonaridi kon sigad in suku mita in bangusa Israel mongo oyúon in diá minayá noyosipun sinumayow kon i Tuhan kon Mizpa in koḻipod. (Kon dodai intua mosia ain nongibot kon intau inta doí nokidongog kon oiní mayá in Mizpa musti hukumon matoi.)

SAMUEL 1 11:7

Takin sinumorú totok nogamá in sia kon sapi doyowa bo iratánea poḷat pinogko-pongkónea kino bayong. Onda intua pongkóan mita tatua pinoki dianea kon bayongan butá in Israel takin parenta nanaa, “Ki ine in doí mayá moparang dumudui kon i Saul bo kon i Samuel, yo sapinea mita in pongko-pongkóon doman nanaa!” Bangusa Israel noondok kon onu in pomiaan i Tuhan moiduduimai, dá bayongan in intau, diábí in sinaḻiban, moibogdon mayá moparang moyotakin.