EZRA 10:4 - Alkitab Singog In Mongondow Masa In Tanaa

⁴ Ikobí in musti mopobayá. Kami in totu-totuubí mobantung kon inimu. Aidaidon intua komintan dapot in moḷapat.”

EZRA 10:4 ပူးပေါင်းရင်းမြစ်များ

TAWARIKH 1 22:16

buḷawan, saḷaka, bitú, bo uatoi. Yo, ḷagidon pangkoiai! Igumon mako ki Tuhan motuḷung kon inimu”.

TAWARIKH 1 22:19

Dá pogundoidon in moiko kon i Tuhan Allahmu takin ḻimbatú in ropotmu. Pomangkoidon pogaid kon baḷoi kon i Tuhan, sinbá Poti Dodandian-Nea bo bayongan in pakakat ibanea inta tongá pakéon kon ibada in motaaudon tagúon kon tua.”

TAWARIKH 1 28:10

Toropdon kopira kon ki Tuhan in nomiḻídon kon inimu sin moposindog in baḷoi inta ain sinantú kon i-Nia. Dá tanaa in aidaidon intua takin ibog moḷoben.”

TAWARIKH 1 28:20

Onda intua ki Datu Daud noguman bui kon i Salomo adínea ḷoḷaki. “Iko in musti mokopoyakin bo mokopobarani. Pangkoidon in oaidan tatua bo dika moondok kon onuka. Ki Tuhan Allah inta sinumbaku in motuḷungbí kon inimu. Diábí in Sia monaḷámai kon inimu. Umuran-Neabí takinan in iko modapot in moḷapatdon komintan in oaidan tatua.

TAWARIKH 1 28:21

Pinosilaian kon oaidan mopobayá in ibada kon Baḷoi Tuhan ain sinantú kon sigad in imang mita bo intau in Lewi. Mogogaid mita inta mongotaau kon oaidannea kon batúan monia in motuḷungbí kon inimu takin sanang in gina, bo itoi mita takin bayongan in rayat in dumuduibí kon parentamu.”

EZRA 10:5

Dá nomangkoidon nopobayá in oaidannea in ki Ezra. Pinotabánea in imang mita tongguḷu, intau mita in Lewi bo intau mita in Israel ibanea in nongibot kon mosia in mopobayábí in onu inta pinoigum i Sekhanya tatua.

MOHOHUTUBA 9:10

Aidaibí in bayongan oaidanmu podoyon kon bayongan ropotmu. Sin moiangoibí in kodaitan raian andeka oaidan. Diábí in ilimu andeka pandoi kon dunia in intau minatoi. Bo kon tuata in bayáanmu.

MARKUS 13:34

Kaadaannea in ibarat tobatú intau inta nonaḷámai kon baḷoinea bo minayá in tampat moyayú. Sia nopotabá in bobantungnea mita noḷukad kon baḷoinea bodongka nosilai kon oaidan kon i monia kon batúannea. Bo sia in nongoyow kon intau inta pinoki ḷukadan in ngara sinbá umuran moḷukad mokopopia.

IBRANI 10:24

Bo kita in mustibí mosiindoian, sinbá umuran motaau mosiponoropan kon bá motabi kon tumpaḷa intau bo momia doman kon soaḷ mita inta mopia.