EZRA 10:2 - Alkitab Singog In Mongondow Masa In Tanaa

² Onda intua ki Sekhanya ki adí i Yehiel nongkon inanakan i Elam, noguman kon i Ezra, “Kami in binaradosadon kon i Tuhan popisí in nononibuḷoidon kon bangusa ibanea. Umpaka natua táe oyúonpabí in kamang kon Israel.

EZRA 10:2 ပူးပေါင်းရင်းမြစ်များ

EZRA 10:26

Inanakan i Elam: ki Matanya, ki Zakharia, ki Yehiel, ki Abdi, ki Yeremot bo ki Elia.

EZRA 9:1

Naonda intua komintan nodaitdon inaidan, tongonumai in intau inta sinon itoi kon bangusa in Israel namangoi kon inakó. Mosia in nopotaau kon inakó kon rayat in Israel, noitakin doman in imang mita, bo intau mita in Lewi in diábí sinumondí kon bangusa mita inta nogutun kon diugmai tua, inta bangusa in Amon, Moab, Mesir, Kanaan, Het, Peris, Yebus bo Amori. Nodapotbí in imang mita bo intau mita in Lewi sinumakin doman nomia kon natua. Mosia komintan in nogaidon kon aid mita inta mokorongó inta inaidan in bangusa mita tatua.

EZRA 9:2

Intau ḷoḷaki in Yahudi notonibuḷoidon in bobay in bangusa ibanea, dá umat inta sinondídon kon i Tuhan in diádon notapis. Nodapotbí inta muna-munamai nomia kon natua in intaubí mita inta sinon itoi bo pojabat in Israel.

NEHEMIA 13:27

Totuu moraat in oaidmu! Moiko in mokobaḻíbí moḷawang kon i Allah pinongin mononibuḷoi kon bobay mita nongkon bangusa ibanea!”

IḶUAIAN 34:12

Dika momia kon dodandian takin intau mita kon butá inta kobayáan monimu, sin tua in mobaḻídon poyogaḷap inta mokopopisí kon kopatoianmu.

AMSAL 28:13

Ki ine in mobuni kon dosanea diábí momujur. Ki ine in mongaku bo monaḷámaidon, kotabibí i Tuhan.

YAKOBUS 2:9

Táe aka moiko bo mopoyo-poyoposi in intau podudui in kaadaan kobobiag in intau, yo nogaidon kon dosa in moiko, bo hukum i Allah in moponiatadon kon moiko nion in moḷoḷawang kon hukum.