EZRA 10:19 - Alkitab Singog In Mongondow Masa In Tanaa

¹⁹ Mosia in nodandi kon monggaatbí kon i buḷoi monia, bo mosia in noposumba in domba koḷakian sin pokuruban kon pongampungan kon dosa monia.

EZRA 10:19 ပူးပေါင်းရင်းမြစ်များ

DATU MITA 2 10:15

Ki Yehu in nongingguputdon kon bobayáannea. Kon yuak in daḷan, sinontomu in sia i Yonadab ki adí i Rekhab. Ki Yehu in nobogoi in nohoromat kon inia bo noguman, “Notongkaibí degá in gina naton? Moibog degá in iko motongod kon inakó?” “Oo,” tubag i Yonadab. “Aka natua, modatipa in kita,” tubag i Yehu. Nododatian in mosia, bo sinuḷungan i Yehu in ki Yonadab sinumakoi kon keretanea,

TAWARIKH 1 29:24

Komintan pojabat in pomarenta bo tontara noidapot kon adí mita ḷoḷaki i Daud ibanea in nongakubí kon kawasa i Salomo saḷaku datu.

TAWARIKH 2 30:8

Dikabí motogat in gina ná mosia, táe duduiaibí in ki Tuhan. Angoidon in Yerusalem, kon Baḷoi Tuhan inta ain sinantú i Tuhan Allahmu kon i-Nia modapot in mononoi. Koḻigaidon moibada kon i-Nia sinbá moinggamádon in torú-Nea kon i monimu.

EZRA 10:20

Inanakan i Imer: ki Hanani bo ki Zebaja.

OMBAḶ 5:6

Kami in minayá noigu-igum mako kon Mesir, kami in noigum kon kaanon kon Asyur.

IMAMAT 6:4

Intau inta kotaḷá tatua in musti moguboḻi bui kon bayongan inta ain nouḻínea takin oaid diá mojujur. Kon dodai in sia kinotaauandon kon ain nogaid kon inta noitaḷá, dá sia in mustibí moguboḻi kon tua mita kon i toginea, bo dugangan in doyowa nopuḷú noporsen.

IMAMAT 6:6

Mobaḻí kuruban toḻiu in karugian, dá intau tatua musti moposumba in domba tobatú ande bembé koḷakian inta totok in mopia bo boḻinea in iapon podudui in pogogiap kon boḻi inta sinantú kon Ḷoḷaigan i Tuhan.

GALATIA 2:9

Bo naonda in nokoontong kon totabi inta inogoi i Allah kon i nakó, dá ki Yakobus, ki Petrus, bo ki Yohanes inta nobaḻídon itoi kon jamaat, nopirisayadon kon ki Allahbí in nobogoi oaidan tanaa kon inakó. Sahingga in nodati in mosia kon i naminda i Barnabas saḷaku tanda yoyobayatan. Bo nosatuju bidon in kami kon kami in mayá mopohabar in Habar Mopia kon yua-yuak in intau mita inta deeman Yahudi, bo mosia in mayá kon sigad in intau mita in Yahudi.