EZRA 10:18 - Alkitab Singog In Mongondow Masa In Tanaa

¹⁸ Naa in tangoi in intau mita inta kobuḷoi kon bobay nongkon bangusa ibanea: Imang mita, pinais takin inanakannea: Inanakan i Yesua takin ki utatnea mita, ki adí mita i Yozadak: ki Maaseya, ki Eleazer, ki Yarib bo ki Gedalya.

EZRA 10:18 ပူးပေါင်းရင်းမြစ်များ

EZRA 10:17

Kon bonu in toḷu nobuḷan noiduduimai nopaḷutdon monia pinirikisa in bayongan in ḷoḷaki inta ain nononibuḷoi kon bobay mita nongkon bangusa ibanea.

EZRA 2:2

Itoi mita monia in ki Zerubabel, ki Yesua, ki Nehemia, ki Seraya, ki Reelaya, ki Mordekhai, ki Bilsan, ki Mispar, ki Bigwai, ki Rehum bo ki Baana. Naa in tangoi mita in motoḷuadí in Israel, takin kobayong in intau nongkon batúan in inanakan inta nobui nongkon pinoḷumbúan:

EZRA 2:36

Naa in tangoi in motoḷuadí in imang mita inta nobui nongkon pinoḷumbúan: i Yedaya (buí i Yesua) – 973 i Imer – 1.052 i Pasyhur – 1.247 i Harim – 1.017

EZRA 3:2

bo ki Yesua ki adí i Yozadak takin totakinnea imang mita bo ki Zerubabel ki adí i Sealtiel takin ginaḷumnea, noposindog bui in mezbah i Allah in Israel. Dá notaaudon in mosia motubá kon kuruban kon tudunea, podudui ná inta topotundú mita inta pinais kon bonu in hukum i Musa, mogogundoi i Allah.

EZRA 3:8

Dá kon buḷan induanea, kon taong nogindua naonda in intau in Israel nobui kon Yerusalem, nomangkoidon in mosia noposindog bui in Baḷoi Tuhan. Ki Zerubabel, ki Yesua, bo topobayat monia tobangusa, imang mita, intau in Lewi, impoḷok mako in singog, komintan intau inta nokoimontandon iḷumbú, sinumakin nogaid. Intau mita in Lewi inta umur 20 notaong bo namonik sinundú pinoki indoian in oaidan kon poposindogan in Baḷoi Tuhan.

EZRA 5:2

Nokodongogmai kon koyow in nabi doyowa tatua, ki Zerubabel ki adí i Sealtiel bo ki Yesua ki adí i Yozadak ḷagidon nomangkoi bui noposindog in Baḷoi Tuhan kon Yerusalem, binantungan in nabi doyowa tatua.

EZRA 9:1

Naonda intua komintan nodaitdon inaidan, tongonumai in intau inta sinon itoi kon bangusa in Israel namangoi kon inakó. Mosia in nopotaau kon inakó kon rayat in Israel, noitakin doman in imang mita, bo intau mita in Lewi in diábí sinumondí kon bangusa mita inta nogutun kon diugmai tua, inta bangusa in Amon, Moab, Mesir, Kanaan, Het, Peris, Yebus bo Amori. Nodapotbí in imang mita bo intau mita in Lewi sinumakin doman nomia kon natua. Mosia komintan in nogaidon kon aid mita inta mokorongó inta inaidan in bangusa mita tatua.

EZRA 9:2

Intau ḷoḷaki in Yahudi notonibuḷoidon in bobay in bangusa ibanea, dá umat inta sinondídon kon i Tuhan in diádon notapis. Nodapotbí inta muna-munamai nomia kon natua in intaubí mita inta sinon itoi bo pojabat in Israel.

NEHEMIA 12:10

Naa in buí inanakan i Imang Moḷoben ki Yesua: ki Yesua, ki Yoyakim, ki Elyasib, ki Yoyada,

NEHEMIA 13:28

Ki Yoyada in ki adí i Imang Moḷoben ki Elyasib, táe tobatú kon sigad i adí i Yoyada in nobaḻí mototaka i Sanbalat nongkon kotá in Bet-Horon. Tuamai ki Yoyada pinoguntunku nongkon Yerusalem.

NEHEMIA 8:4

Ki Ezra in sinimindog kon mimbar kayu inta ain pinomia sin pakéon kon poyodungkuḷan tatua. Kon dotá in koḷanannea sinimindog in intau mita tanaa: ki Matica, ki Sema, ki Anaya, ki Uria, ki Hilkia bo ki Maaseya; bo kon dotá in koḷoiginea: ki Pedaya, ki Misael, ki Malkia, ki Hasum, ki Hasbadana, ki Zakharia bo ki Mesulam.

NEHEMIA 8:7

Nopaḷut mako kon tua nobuat in mosia bo sinimindog kon tampat monia tontaní, bo tongonumai in intau mita in Lewi noginsilang kon Hukum tatua kon i monia. Naa in intau mita in Lewi tatua: ki Yesua, ki Bani, ki Serebya, ki Yamin, ki Akub, ki Sabetai, ki Hodia, ki Maaseya, ki Kelita, ki Azarya, ki Yozabad, ki Hanan bo ki Pelaya.

YEREMIA 23:10

Butá naton nopuḻing in intau inta diá mosatia kon i Tuhan. Mosia in nobiag moraat bo noitaḷá in nopomaké in kawasa monia. Popisí in kutukan i Tuhan, bonok kon rawang noingkag bo sinangkub in butá nonogumatoi.

YEREMIA 23:11

Ki Tuhan in noguman, “Nabi bo imang doí tumoḷutui kon i-Nakó. Nodapot in kon Baḷoi-Ku kinouḻían-Kudon in mosia nogaid kon inta moraat.

YEREMIA 23:14

Táe kon Yerusalem inontong-Kudon in nabi mita nogaid kon inta noiḻiu doman in raat. Nonguboḷ bo nonuaḻing in mosia, bo noduḷu kon intau inta nogaid kon inta moraat, dá diá tobatúmai in intau in moibog mogogai in mogaid kon moraat. Aka kon i-Nakó yo mosia tua in komintandon moraat naonda bo intau in Sodom bo Gomora.”

YEHEZKIEL 44:22

Imang mita in tongábí motaau in mononibuḷoi kon mongodeaga mita in Israel inta diápa kon dodai in onda in nosiug takin ḷoḷaki andeka ki baḷú in imang. Mosia in diábí motaau in mononibuḷoi kon bobay ki gaat in intau.

IMAMAT 21:7

Imang tobatú diábí motaau in motonibuḷoi takin bobay tobatú inta ain nobaḻí sundaḷ ande bobay inta diádon porawan ande inta ain nogogaatan, sin imang tua in kapunyaan-Ku.

HAGAI 1:1

Kon taong induanea kon pinomarentaan i Datu Darius kon Persia, kon singgai imitánea kon buḷan noginggonom, ki Tuhan in nosingog pinongin i Nabi Hagai. Koyow i Tuhan tatua inogoi kon i Zerubabel ki adí i Sealtiel, gubernur in Yohuda, bo kon i Imang moḷoben Ki Yosua ki adí i Yozadak.

HAGAI 1:12

Onda intua ki Zerubabel bo ki Yosua takin bayongan umat in Israel inta ain nobui kon pinoḷumbúan kon Babel, in dinumudui kon tosingogon mita i Hagai, totabá i Tuhan tua. Mosia in nogaid kon onu inta pinarenta i Tuhan kon i monia, popisí in moondok kon i Tuhan.

HAGAI 2:4

Tongá, donaaidon moinggamá in kamang, ei moiko komintan! Ingguputaidon in oaidan tatua, sin Akuoi in umuranbí motuḷung kon i monimu.

ZAKHARIA 3:1

Kon oontongon ibanea doman, ki Tuhan in nopoontong kon inakó in Imang Moḷoben ki Yosua inta simindog mako kon tayowon in malaekat i Tuhan. Kon diugmai i Yosua sinimindog mako in Ibilis inta nosadiadon moponapud kon inia.

ZAKHARIA 6:11

Nongkon buḷawan bo saḷaka inta inogoi monia tatua, pomiaaidon in mahkota tobatú bo popoḷutud kon uḷu i Imang Moḷoben ki Yosua ki adí i Yozadak.

TIMOTIUS 1 3:11

Ná doman tua, ki buḷoi monia bobay in mustibí intau mopia deemanbí intau inta maya-mayá mako mongonguman kon uboḷ. Mosia in mustibí intau inta mokokotahang kon bibig bo motaau doman pirisayaanmai kon bayongan in yagi-yagi.