EZRA 10:14 - Alkitab Singog In Mongondow Masa In Tanaa

¹⁴ Ogoidon in itoi nami in mogutun kon Yerusalem bo mogimpaḷut kon soaḷ tatua. Bo kon batúan in intau kon kotá mita nami, inta kobuḷoi nongkon bobay in bangusa ibanea, in mustibí mamangoi podudui in wakutu inta ain sinantú, moyotakin in itoi mita bo hakim mita in kotánea-kotánea. Tua in aidan sinbá ki Tuhan Allah in diádon tumorú bui kon i naton popisí in pelekara tatua.”

EZRA 10:14 ပူးပေါင်းရင်းမြစ်များ

DATU MITA 2 23:26

Táe oaid i Datu Manasye ain nokopomuká kon torú i Tuhan kon Yohuda; bo torú-Nea tatua in diápabí noinggamá.

TAWARIKH 2 28:11

Indongogai! Intau mita inta dinakop tanaa in ki utatmubí mita. Dá, potabádon in mosia mobui. Aka diá, ki Tuhan in tumorú bo mohukum kon i monimu.”

TAWARIKH 2 29:10

Tanaa in moibog in akuoi momia kon dodandian takin i Tuhan, Allah in Israel, sinbá diádon in Sia tumorú kon inaton.

TAWARIKH 2 30:8

Dikabí motogat in gina ná mosia, táe duduiaibí in ki Tuhan. Angoidon in Yerusalem, kon Baḷoi Tuhan inta ain sinantú i Tuhan Allahmu kon i-Nia modapot in mononoi. Koḻigaidon moibada kon i-Nia sinbá moinggamádon in torú-Nea kon i monimu.

EZRA 10:13

Bo mosia in noguman bui, “Táe inta namangoi in naa in nobayong totok bo uyan in morogot doman totok. Diábí in kami mokotahang in simindog kon ḷuai nanaa. Apa doman pelekara tanaa in diábí kotoimpaḷutan kon bonu in tosinggai andeka doyowa nosinggai, sin nobayongbí totok in kami in noiḷautdon nogaid kon dosa tanaa.

EZRA 10:15

Diábí tobatúmai in intau in nopoyaput in simbayow kon tomayá tatua, koḻikudbí in ki Yonatan ki adí i Asael bo ki Yahzeya ki adí i Tikwa, sinongod in intau in Lewi taya dua, inta ki Mesulam bo ki Sabetai.

MAZMUR 78:38

Táe ki Allah in notabi bo nongampung kon umat-Nea, bo diábí noyopú kon i monia. Nopobui-buimai Sia in nomondam kon torú-Nea, bo diá noponiata in yaat in gina-Nea.

YESAYA 12:1

Moiangoibí in wakutunea moiko in modondong: “Tuhan, akuoi mopoyaput in sukur kon ini-Mu, Sin Iko in noḻipoi kon inakó. Koḻipod Iko in sinumorú kon inakó, táe tanaa in noinggamádon in torú-Mu.

PINOGIAPAN 25:4

“Domokdon in bayongan intau inta nobaḻí itoi mita in bangusa tatua bo ḻimod in mosia kon tayowon in intau mobarong sin moponiata mogaid kon onu inta pinarenta-Ku, sinbá Akuoi in diádon tumorú bui kon bangusa tatua.”

ULANGAN 13:17

Barang mita inta mokokatuḷa tatua in diábí motaau tagúon monimu sin pakéon tontaní, táe mustibí ḷoḷangon komintan. Dá torú i Tuhan Mopiong domandon bo poontong-Neadon kon i monimu in tabi-Nea. Motabidon in Sia kon inimu bo baḻíon-Neadon in moiko bangusa inta moḷoben ná inta pinodandi-Nea kon mogoguyangmu,

ULANGAN 17:9

Potaaudon pelekaramu tatua kon imang mita Lewi bo kon hakim inta koyogot mopobayá in oaidan monia, bo pomayádon mako mosia monantú kon tua.

YOSUA 7:26

Nopaḷut mako kon tua binumbunandon monia in tampat tatua in batu inta mobarong totok bo dapot in tanaa oyúonpa doman intua. Tuamai in tampat tatua in sinangoianpa Ḷopá in Roriga. Dá noobotdon in torú i Tuhan.