EZRA 1:5 - Alkitab Singog In Mongondow Masa In Tanaa

⁵ Noiduduimai kon tua tongguḷu mita in inanakan nongkon suku i Yohuda bo i Benyamin, imang mita bo intau mita in Lewi, bo kon batúan in intau inta pinopogonúan i Allah, nonouḷut sin mobui kon Yerusalem bo moposindog bui in Baḷoi Tuhan.

EZRA 1:5 ပူးပေါင်းရင်းမြစ်များ

TAWARIKH 2 36:22

Kon taong imitánea kon pinomarentaan i Kores, datu in Persia, Ki Tuhan in nogaidon kon onu inta pinoguman-Nea pinongin i Nabi Yeremia. Ki Tuhan in nopogonú kon gina i Kores sinbá mopoḷuai in parenta tobatú inta bacaan kon bayongan in dodatuan nea. Nanaa in singognea:

EZRA 1:1

Kon taong imitánea kon pinomarentaan i Kores, datu in Persia, Ki Tuhan nogaid kon onu inta ain siningog-Nea pinongin i Nabi Yeremia. Ki Tuhan in nopogonú kon gina i Kores sinbá mopoḷuaidon in parenta tobatú inta binaca kon sinangkup in dodatuan nea. Nanaa in tombonunea:

EZRA 1:2

“Naa in parenta i Kores, datu in Persia. Ki Tuhan, Allah inta nongawasa kon soroga ain nomaḻí kon inakó datu kon sinangkup in dunia, bo nopotabá kon inakó moposindog in baḷoi kon i-Nia kon Yerusalem kon butá in Yohuda.

EZRA 1:4

Aka oyúon in umat-Nea tobatú kon pinoḷumbúan tanaa in moparaḷu kon totuḷung sinbá mokopobuipa, dá topodiugnea mita in mustibí mobogoi in totuḷung tatua. Mosia in mustibí mobogoi in saḷaka bo buḷawan, tongkaaḷ kon daḷan takin doman biag pododatogan, bo sosumba doman inta pakéon kon Baḷoi Tuhan kon Yerusalem.”

NEHEMIA 2:12

Kon dodai intua diábí pinotaauku kon i ineka kon ki Allah in nobogoi in raian natua kon inakó sin moposindog bui in kotá in Yerusalem. Nopoikoḷomai doḷom nobangon in akuoi bo nonongganut kon tongonumai in yobayat minayá in ḷuai in kotá. Koḻikud in keledai inta sinakoianku, diábí in kami nodia kon biag totakoian ibanea.

AMSAL 16:1

Intau in motaaubí in momia kon tomayá, táe ki Allahbí in monantú.

HAGAI 1:14

Natuata in aid i Tuhan nobogoi in ibog kon i Gubernur Zerubabel, kon i Imang Moḷoben ki Yosua takin bayongan in intau inta ain nobui nongkon pinoḷumbúan, sinbá mosia komintan in mogaid moposindog bui in Baḷoi i Tuhan Inta Totok in mokawasa, ki Allah monia.

KORINTUS 2 8:16

Sukurdon mako kon i Allah, sin ki Titus in pinoporajing-Neapa naonda bo kami inta umuran noibog notuḷung kon i monimu!

PILIPI 2:13

Sin ki Allahbí in mopogonú kon ginamu sinbá moibog bo mokosanggup moposanang in gina i Allah in moiko.

YOHANES 3 1:11

Utat inta kinotabiku, donaai dumudui kon oaid mita inta diá mopia. Duduiaidon in onu inta mopia. Intau inta mogaid kon mopia in kapunyaanbí i Allah. Bo intau inta mogaid kon inta moraat diápabí nonotaau kon i Allah.