EZRA 1:2 - Alkitab Singog In Mongondow Masa In Tanaa

² “Naa in parenta i Kores, datu in Persia. Ki Tuhan, Allah inta nongawasa kon soroga ain nomaḻí kon inakó datu kon sinangkup in dunia, bo nopotabá kon inakó moposindog in baḷoi kon i-Nia kon Yerusalem kon butá in Yohuda.

EZRA 1:2 ပူးပေါင်းရင်းမြစ်များ

DATU MITA IMITÁNEA 8:27

Tongá, o Allah, totuu degá kon Iko in mogutun kon butá naa? Umpaka ḷangit inta námai tua in kobanat bo kooḷadnea yo diábí tugatan kon ini-Mu, apapa doman baḷoi inta pinosindogku tanaa!

TAWARIKH 2 2:12

Dinayo-dayowdon in ki Tuhan Allah in Israel, Inta Nomia kon ḷangit bo butá! Sia in nobogoidon kon i Daud in adí ḷoḷaki inta totuu mobijaksana bo mopandoi, bo kototaau moḷoben, inta tanaa in koyogot in moḷongasi moposindog in baḷoi tobatú kon i Tuhan bo komaḻig tobatú kon inia tontaní.

EZRA 1:5

Noiduduimai kon tua tongguḷu mita in inanakan nongkon suku i Yohuda bo i Benyamin, imang mita bo intau mita in Lewi, bo kon batúan in intau inta pinopogonúan i Allah, nonouḷut sin mobui kon Yerusalem bo moposindog bui in Baḷoi Tuhan.

EZRA 3:7

Rayat in nobogoidon in doit sin ponondan kon bas mita in batu bo mogogimok mita kon kayu. Mosia in nokidia doman in kaanon, oinumon bo ḷana in zaitun kon kotá mita in Tirus bo Sidon sin ponoḻiu kon kayu ḷokuyú in Libanon nongkon kotá mita tatua. Kayu tatua in dinia kon Yapo pinongin dagat. Tua komintan inaidan in rayat pinodoyon kon parenta i Kores, datu in Persia.

EZRA 4:3

Táe ki Zerubabel, ki Yesua bo tongguḷu mita in inanakan tatua in notubag, “Kami in diápabí moparaḷu kon totuḷung i utat mita in moposindog in baḷoi kon i Tuhan Allah nami. Kami in moposindogbí tontaní podudui in parenta i Kores, datu in Persia, kon inami.”

EZRA 5:15

Ki Datu in nopotabá kon inia nogamá kon pakakat mita tatua bo nopobui intua kon Baḷoi Tuhan kon Yerusalem, bo noposindog bui in Baḷoi tatua.

EZRA 6:10

Aidai intua komintan sinbá mosia in motaau moposumba in kuruban inta mokosanang kon i Allah inta nongawasa kon soroga, bo bá mosia in mopoigum in barakat kon inakó bo kon i adíku mita ḷoḷaki.

EZRA 6:3

“Kon taong imitánea kon pinomarentaan i Datu Kores, sia in nopoḷuai in parenta sinbá Baḷoi Tuhan kon Yerusalem posindogondon bui mobaḻí tampat in intau modia kon sosumba bo motubá kon kuruban. Koḷantud in Baḷoi tatua in mustibí 27 nometer bo kooḷadnea in musti doman 27 nometer.

EZRA 7:12

“Nongkon i Datu Artahsasta ogoi kon i Imang Ezra, intau inta nonotaau totok in Hukum i Allah inta nongawasa kon soroga.

NEHEMIA 1:4

Nokodongogmai kon habar tatua, iḻimitú in akuoi bo nongombaḷ. Tongonumai nosinggai norobonoḷ totok in ginaku. Akuoi in umuran mopuasa poḷat mosambayang kon i Allah,

NEHEMIA 1:5

“Oo Tuhan Allah inta nongawasa kon soroga. Iko in Allah Inta Moḷoben bo kami in tumayow kon ini-Mu takin moondok totok. Iko in tantúbí mosatia bo nokadai kon dandi-Mu kon intau mita inta motabi kon ini-Mu bo motoindudui kon parenta-Mu.

MAZMUR 136:26

Posukurdon kon i Allah inta nongawasa kon ḷangit; tabi-Nea in umuran mononoi.

MAZMUR 85:2

Kinoibog-Mu in butá-Mu, o Tuhan, kaadaan in Israel ain sinompia-Mu bui.

AMSAL 21:1

Naonda bo pononompia i Tuhan kon tubig in ongkag sinbá moiḻig podudui in ibog-Nea, natua doman in pokokapit-Nea kon raian in datu.

YESAYA 41:2

Ki ine in nopotabá kon pongawasa nongkon dotá pomukaan, bo nobogoi kon inia in kauntungan noyo-noyodudui? Ki ine in nomaḻí kon inia nonaḷow kon bangusa mita, bo nopotungkud in datu mita kon inia? Pitownea nomaḻí kon i monia noirarit naonda bo ḷobud, piotnea nopotabud kon i monia naonda bo wawa inirup in tompot.

YESAYA 44:26

Akuoibí in noginrigon kon tosingogon in mogogundoi-Ku, bo nopobayá in tomayá inta pinoniata in totabá-Ku, Akuoi in noguman kon Yerusalem in pogutunanbí bui, bo kotá mita in Yohuda in posindogon-Kubí bui; rumbunnea mita in buibí tompiaan.

YESAYA 44:28

Akuoibí inta noguman kon i Kores, ‘Ikobí inta momarenta sin kopontingan-Ku, bo mogaid kon bayongan inta kinoibog-Ku. Parentadon sinbá Yerusalem posindogon bui, bo Baḷoi Tuhan aidandon in kinodoyonannea.’ ”

YESAYA 45:1

Ki Tuhan in nomiḻídon kon i Kores nobaḻí datu; sia in sinundú sin monaḷow kon bangusa mita bo momutoḷ kon kawasa in datu mita. Ki Tuhan in momukatbí kon bonawang mita in kotá tuotannea, diábí tobatúmai in pomayá mako moiḻingkop. Ki Tuhan in moguman kon inia,

YESAYA 66:1

Ki Tuhan in noguman, “Ḷangit in ḷoḻitúan-Ku pomarentaan, bo butá in tosindogan-Ku. Dá baḷoibí naonda in posindogonmu kon i-Nakó, bo tampat onu in pomiaanmu sin pogutunan-Ku?

YEREMIA 10:11

Moiko, ei umat, musti mopotaau kon i monia kon dewa mita inta diá nomaḻí kon ḷangit bo butá tua in yopúonbí. Mosia in moinggamábí nongkon tudu in butá naa.)

YEREMIA 27:5

“Pinongin kawasa-Ku inta moḷoben bo pinongin ropot-Ku binaḻí-Ku in dunia bo intau takin bayongan in mahaḷuk, bo tua in motaau-Kubí ogoi kon i ineka in koibog-Ku pobogoian.

YEREMIA 29:10

Ki Tuhan in noguman, ‘Aka motompodon in wakutu pitu nopuḷú notaong kon Babel, yo bui-Ku in moiko indoian, bo mogintompod kon dandi-Ku modia kon i monimu mobui kon tampat tanaa.

DANIEL 1:21

Ki Daniel in umuranbí nopobayá in oaidan nodapot kon i datu Koresh nongkon Persia nopotungkud in Babel.

DANIEL 2:21

Siabí inta nonantú kon sempo bo wakutu, Sia in nopoḷabú bo noduí kon pongawasa. Siabí doman inta nobogoi in kabijaksanaan, bo noponotabi in pomomangaḻe.

DANIEL 2:28

Táe kon soroga oyúon in ki Allah inta nomukat kon bayongan inta noibuni, bo sia in nopotaaudon kon i Tuangku onu inta mobaḻí kon singgai moiduduimai. Tanaa, ogoipa kaasí in bobantung tanaa in moginsilang kon togoindop bo oontongon inta sinarima kon tungkuḷ nosiug tua.

DANIEL 4:25

Ki Tuangku in poguntunon nongkon yua-yuak in intau bo mobiagdon kon sigad in mahaḷuk mita kon rawang. Pitu notaong in koonggotnea ki Tuangku in mokaan kon bonok naonda bo sapi bo mosiug kon rawang inta diá in oḻi-oḻingoinea, modapot in mobuntad kotugatan in oḷú. Mopaḷut mako kon tua ki Tuangku in mongakudon kon ki Allah Inta Totok in moḷantud in kitogi kawasa kon dodatuan in intau, bo dodatuan tatua in ogoi-Nea kon i inekabí in piḻíon-Nea.

DANIEL 4:32

Iko in poguntunon nongkon sigad in intau mita, bo mobiag moyotakin in mahaḷuk mita kon rawang. Pitu notaong in koonggotnea iko in mokaan kon bonok naonda bo sapi. Mopaḷut mako kon tua iko in mongakudon kon Ki Allah Inta Totok in moḷantud in kitogi kawasa kon dodatuan in intau bo dodatuan tatua in inogoi-Nea kon i inekabí inta piniḻí-Nea.”

DANIEL 5:23

Ki Tuangku in dinumodia kon i Tuhan kon soroga bo nokobaḻí nokidia mangoi kon naa in bayongan palo mita inta ain inagow nongkon Baḷoi i Tuhan. Bo ki Tuangku takin intau mita moḷoben, bo ki buḷoi mita i Tuangku takin pahang mita i Tuangku in nonginum nomaké in palo mita tatua. Ki Tuangku in nodayow kon dewa mita inta pinomia nongkon buḷawan, saḷaka, bitú, uatoi, kayu bo batu, dewa mita inta diá mokoontong andeka mokodongog andeka momangaḻe kon onuka. Ki Tuangku in diá mohoromat kon i Allah inta nonantú kon kobiagan bo kopatoian i Tuangku bo inta monantú kon daḷan kobiagan i Tuangku.

DANIEL 6:25

Onda intua ki datu nomarenta kon intau sinbá modomok kon intau mita inta ain nopongadu kon i Daniel. Bo mosia takin ki adí mita bo ki buḷoi mita monia pinogonag kon bonu in angob in singa tatua. Diápa nodapot in mosia kon apad in angob tatua, singa mita tatua ain nodomok kon i monia poḷat nomutuk kon tuḷan mita monia.

YUNUS 1:9

Tubag i Yunus, “Akuoi naa intau in Ibrani. Akuoi in nosumba kon i Tuhan Allah kon soroga, inta nomaḻí kon dagat bo toba.”