ESTER 9:31 - Alkitab Singog In Mongondow Masa In Tanaa

³¹ Surat tatua in noguman doman sinbá mosia bo buí monia in mustibí monanob kon singgai mita in Purim podudui in singgainea, ná doman mosia monorop kon singgai mita popuasaan bo singgai mita ponogumatoian. Tuata in tombonu in surat i Mordekhai bo i Ratu Ester.

ESTER 9:31 ပူးပေါင်းရင်းမြစ်များ

TAWARIKH 2 35:25

Ki Nabi Yeremia in nomia kon dondong amui tobatú kon i Datu Yosia. Nodapot in tanaa dondong tatua in pinaké kon Israel in intau mita mododondong, pinomayá ḷoḷaki andeka bobay, kon pinonogumatoian kon i Yosia. Dondong tatua in pinotuotdon kon bonu in pinosipunan kon dondong mita in amui.

ESTER 4:16

“Sipundon in bayongan intau in Yahudi inta kon Susan bo sambayangai in akuoi. Dika mongaan bo monginum in toḷu nosinggai bo toḷu nogobii in koonggotnea. Akuoi tontaní bo mongodeaga mita inta nobantung kon inakó in mopuasabí doman. Mopaḷut mako kon tua akuoi in mayá kon tayowon i datu, umpakabí ḻimimpat tua kon undang-undang. Aka akuoi bo musti matoi popisí intua, dá biódon mako in akuoi matoi!”

ESTER 4:3

Bo kon bayongan in propinsi, intau mita in Yahudi nongombaḷ bo nogamui naonda in parenta i datu pinotaau. Nopuasa in mosia, nongombaḷ bo nopongadu, bo nobayong in kon sigad monia in nomaké in sosapi bo inumuḻid kon ḷobud.