ESTER 9:27 - Alkitab Singog In Mongondow Masa In Tanaa

²⁷ nokopopisídon kon mosia in nogaid kon atorang tobatú kon i monia tontaní, kon buí monia bo kon bayongan in intau inta dumugang agat in intau in Yahudi. Podudui in atorang tatua pomuḷoi in taong mosia in mustibí momia kon rame in doyowa nosinggai inta ain sinantú i Mordekhai.

ESTER 9:27 ပူးပေါင်းရင်းမြစ်များ

ESTER 8:17

Kon batúan in kotá bo propinsi, kon ondaka in pinobacaan kon surat parenta i datu, yo intau mita in Yahudi in mopiabí in gina, nongosanang in gina bo norame. Nodapot in nobayong in intau kon tua in sinumuotdon nobaḻí intau in Yahudi, popisí in mosia in noondok kon bangusa tatua.

ESTER 9:20

Nopaḷut mako kon tua ki Mordekhai in nomais kon bayongan inta nobaḻí tatua bo nokidia in surat kon bayongan in intau Yahudi kon sinangkub in dodatuan Persia, pinomayá inta noyayú andeka inta nodiug.

ESTER 9:21

Tombonu in surat tatua in parenta kon monanob kon singgai noginpuḷú boopat bo noginpuḷú boḻima kon buḷan Adar pomuḷoi in taong.

ESTER 9:28

Sinantú domandon kon singgai mita in Purim tatua in mobaḻídon singgai Moḷoben mononoi inta musti umuran toropon bo pomiaan kon ponanoban in batúan motoḷuadí in Yahudi kon bayongan in topobiag kon batúan in propinsi bo kon batúan in kotá.

MAZMUR 78:7

Takin natua mosia doman in mongamang kon i Allah, bo diá mokoḻiong kon onu inta inaidan-Nea, táe umuran motoindudui kon parenta-Nea,

YESAYA 2:3

mosia komintan in moguman, “Igai in kita mayá motakod kon Buḷud i Tuhan, mayá in baḷoi Allah in Israel. Sia in motundúbí kon i naton onu in musti aidan naton. Kita in dumuduibí kon daḷan-Nea, sin totundú i Tuhan in mamangoi nongkon Yerusalem, Sia in mosingog nongkon Sion.”

YESAYA 56:3

Intau ango-angoi inta dinumugang kon umat i Tuhan in diábí motaau in moguman, “ki Tuhan in diá nobogoi kon inakó mosumba kon i-Nia noyotakin in umat-Nea.” Intau inta kinabiri in diábí motaau morai “Akuoi in diábí motaau mobaḻí indugang in umat i Tuhan, sin Akuoi in diá mokouḻí kon buí.”

YESAYA 56:6

Ki Tuhan in noguman kon intau mita ango-angoi inta ain noituot kon bonu in umat i Tuhan, inta motabi kon i Tuhan bo inta noibada kon i-Nia, inta nohoromat kon singgai in Sabat bo nosatia kon dodandian-Nea,

YEHEZKIEL 16:61

Kotoropanmubí in aidmu mita bo angoian in oyá kon dodai in ki utatmu mita pobuion-Kudon kon inimu. Baḻíon-Ku in mosia naonda bo ki adímu mita, umpakabí intua diá noituot kon dodandian-Ku takinmu.

ZAKHARIA 2:11

Kon dodai intua mobayong in bangusa in mamangoi kon i Tuhan sin nobaḻí umat-Nea. Sia in mogutunbí kon yua-yuakmu, bo kotaauandon monimu kon ki Tuhan in nopotabádon kon inakó namangoi kon inimu.

ZAKHARIA 8:23

Kon singgai mita tatua mopuḷú in intau ango-angoi in mamangoi kon intau in Yahudi tobatú bo moguman, ‘Kami in moibogbí doman in mopia ná moiko; sin dinongogdon nami kon ki Allah in nomarakat kon i monimu.’ ” Ki Tuhan Inta Totok in mokawasa ain nosingog.

PINOGIAPAN 15:15

Bayongan hukum bo atorang notongkaibí in kon i monimu bo kon intau mita ango-angoi inta nogutun kon sigad monimu, sin moiko bo mosia in notongkaibí kon tayowon i Tuhan. Bo tua in umuranbí pakéon.

ULANGAN 5:3

deemanbí tongá kon mogoguyang naton, táe takinbí in bayongan naton kon naa.

YOSUA 9:15

Ki Yosua nomia kon dodandian yoyobayatan takin intau mita in Gibeon tatua, bo nodandidon kon i monia kon diábí moḻimod kon i monia. Itoi mita in umat Israel nongibot doman kon mogintompodbí kon dodandian tatua.

HAKIM MITA 11:40

adí mita mongodeaga mayá kon bonu in opat nosinggai pomuḷoi in taong sin mopongoibú in gina monanob kon i adí i Yepta kon Gilead.

SAMUEL 1 30:25

Onda intua soaḷ tatua binaḻí i Daud atorang tobatú, bo dinuduian kon Israel dapot in tanaaya.