ESTER 9:14 - Alkitab Singog In Mongondow Masa In Tanaa

¹⁴ Bo ki datu in nobogoi in parenta mogaid kon onu inta pinoigum i Ester; surat parenta kon kotá in Susan pinoḷuaidon bo mayat i adí i Haman taya mopuḷú tua in binambé.

ESTER 9:14 ပူးပေါင်းရင်းမြစ်များ

EZRA 7:13

Akuoi in nomarenta kon bayongan in imang, intau in Lewi bo intau mita in Israel ibanea inta kon sinangkup in dodatuan ku, inta moibog mayá in Yerusalem, in ogoibí mayá moyotakin i Utat.

ESTER 7:10

Natuata in nobaḻí ki Haman pinobambé kon oigi inta ain pinosindognea kon i Mordekhai. Nopaḷut mako kon tua noinggamádon in torú i datu.

ESTER 7:9

Bo guman i Harbona, intau tobatú kon sigad in pojabat mita tatua, “Tuang, kon diug in baḷoi Haman oyúon in oigi pobobambéan koḷantudnea in doyowa nopuḷú bo doyowa nometer. Tua in pinosindogdon i Haman sin popobambéan kon i Mordekhai, intau inta ain noposaḷamat kon kobiagan i Tuang.” Bo ki datu in nomarenta, “Pobambédon in ki Haman kon oigi tatua!”

ESTER 9:13

Ki Ester in notubag, “Aka mosanang in gina i Tuang, yo intau mita in Yahudi inta nogutun kon Susan naa ikoḷom doḷo-doḷom in buipa ogoi mogaid kon ná inta inaidan monia singgai in naa. Bo mayat mita i adí i Haman tua in popobambédon kon oigi pobobambéan mita.”

ESTER 9:15

Dá kon singgai impuḷú bo opatnea kon buḷan in Adar, intau mita in Yahudi kon Susan in noyosipundon bui bo noḻimod kon 300 in intau kon kotá tatua. Bo tanaa in diábí doman in mosia nogagow.

AMSAL 12:7

Intau moraat in moḷabúbí bo moyopú takin diá in paḷotnea; táe intau mopia in umuranbí moroton modapot in adí bo ompu.

MOHOHUTUBA 6:3

Umpaka intau tobatú kogadí kon adí mogatut bo moonggot in kinobiagannea nodapot in mogoguyang, táe aka sia bo diá mokorasa kon sanang in gina bo diá doman nokouḻí kon poḷobongan inta patus kon inia, dá podudui in raianku, adíbí mointok inta minatoi pinononggadí monag in mopia-pia in ukurnea nongkon intau tatua.

PINOGIAPAN 24:20

Onda intua kon bonu in pinosindapan tatua ki Bileam nokoontong kon intau mita in Amalek. Dá sia nopotaau doman in tosingogon tanaa, “Nongkon bayongan in bangusa kon dunia, Amalek inta totok in mokawasa. Táe bangusa tatua kon buitnea, moitaḷom domandon turus.”

GALATIA 3:13

Táe ki Kristus ain nomilat kon i naton nongkon kutukan in hukum i Musa tatua. Sia nopomayádon mako in awak-Nea tontaní kinutuk sinbá kita in mopilat kon kutukan. Sin kon Buk Motusi ain pinais, “Kinutukdon in intau inta minatoi binambé kon kayu pinoyotaḻempang.”