ESTER 8:17 - Alkitab Singog In Mongondow Masa In Tanaa

¹⁷ Kon batúan in kotá bo propinsi, kon ondaka in pinobacaan kon surat parenta i datu, yo intau mita in Yahudi in mopiabí in gina, nongosanang in gina bo norame. Nodapot in nobayong in intau kon tua in sinumuotdon nobaḻí intau in Yahudi, popisí in mosia in noondok kon bangusa tatua.

ESTER 8:17 ပူးပေါင်းရင်းမြစ်များ

KINOBAḺIAN 35:5

Kon tungkuḷ in ki Yakub bo rombongan buḷoi, adí bo ginaḷumnea nobuat, ki Allah nogoḻingoi kon intau mita inta kon kotá tatua, dapot in mosia diá nogaḷow kon i Yakub bo rombongannea.

NEHEMIA 8:10

Pobuidon in tanaa; pongaan bo ponginumdon takin ḷunganga in gina. Ogoidon in tongosilai in kaanon bo anggurmu kon i monia inta diá in kaanon bo inumon. Singgai in naa in singgai inta mokudus kon i Tuhan naton, dá dikadon mokoposusa. Ḷunganga inta inogoi i Tuhan kon i monimu in moginropotbí kon i monimu.”

ESTER 9:17

Tua in nobaḻí kon singgai impuḷú botoḷúnea kon buḷan in Adar. Singgai noiduduimai, kon singgai impuḷú boopatnea, mosia in diábí noḻimod kon tobatúmai in intau, táe noramebí kon singgai tatua takin ḷunganga in gina.

ESTER 9:19

Tuamai in intau Yahudi inta nogutun kon kotá mita mointok nomia kon tompoingat kon singgai impuḷú boopatnea kon buḷan Adar nobaḻí singgai inta nokoḷunganga, singgai poramean poḷat mosiogoian in tombuinag ná kokaanon mita.

ESTER 9:2

Kon batúan in kotá, intau mita in Yahudi noyosipun bo notobatú sin monayow kon intau mita inta nonomayá kon inta moraat kon i monia. Bangusa mita kon ondakabí nobaḻídon noondok kon i monia dá diádon in tobatúmai in mokobaḻí monayow kon i monia.

ESTER 9:22

Sin kon singgai mita tatuata in mosia nonaḷow kon musung mita monia, dá robonoḷ bo nakit in gina monia nobaḷui pia bo sanang in gina. Tuamai mosia in mustibí momia kon ponanoban kon singgai mita tatua pongin bobutungan bo mongaan poḷat mosiogoian in kaanon bo mosilai kon totuḷung kon intau nobiag nobogá.

ESTER 9:27

nokopopisídon kon mosia in nogaid kon atorang tobatú kon i monia tontaní, kon buí monia bo kon bayongan in intau inta dumugang agat in intau in Yahudi. Podudui in atorang tatua pomuḷoi in taong mosia in mustibí momia kon rame in doyowa nosinggai inta ain sinantú i Mordekhai.

ESTER 9:3

Nodapot in bayongan intau moḷoben in propinsi, gubernur mita, bupati bo pojabat mita in dodatuan motongod kon intau in Yahudi sin komintan moondok kon i Mordekhai.

MAZMUR 105:38

Intau in Mesir kinoaputan in ondok bo koningkim, dá nopia in gina monia kon tungkuḷ in intau in Israel minayá.

MAZMUR 18:43

Mosia in irimumudku naonda bo ḷobud inta posirarit, bo kinaitanku naonda bo yoná kon daḷan.

IḶUAIAN 15:16

Sin mosia totokdon inagían ondok mokoontong kon ropot i Tuhan. Kon dodai in umat-Mu noitaḻib, musung modait dumoit; nosaḷamatdon in bangusa inta pinoḷuat-Mu.

ULANGAN 11:25

Kon bayongan butá tatua baḻíonbí i Tuhan Allahmu in intau mita kon tua agían in ondok kon inimu ná inta pinodandi-Nea, dá diádon tobatúmai in intau mokoḷamboi kon i monimu.

ULANGAN 2:25

Pinangkoi kon singgai naa baḻíon-Ku in moiko kobangkaḷ in bangusa mita kon ondaka. Bayongan intau in mourotbí sin moondok aka mokodongog kon tangoi monimu.’ ”

YOSUA 2:11

Naonda in kinodongogan nami in ouman mita tatua, inagíandon in ondok in kami. Bayongan in intau nami kinoinggamáandon in barani popisí in moiko. Ki Tuhan Allahmu totu-totuubí ki Allah inta Totok in Mokawasa kon ḷangit bo kon butá.

YOSUA 2:9

bo noguman kon i monia, “Kinotaauankubí kon butá tanaa inogoidon i Tuhan kon i monimu. Bayongan in intau kon naa moondokdon kon i monimu.

SAMUEL 1 25:8

Tungkuḷaidon ḻibó kon i monia, notantúbí kon totuuon monia intua. Manangka intua, haraponku mako sinbá intauku mita in tarimaan mopia kon baḷoimu, sin kami in namangoi kon singgai moḷoben naa. Ogoiaipa kaasí in bobantungmu mita naa bo akuoi, ki Daud, inta yobayatmu mopia, tongáka onu in koibogmu ogoi.”